रावेर (प्रतिनिधी) तालुक्यातील एका गावातील १० वीच्या विद्यार्थिनीला दुचाकीने घरी सोडण्याच्या बहाण्याने तिघांनी बळजबरीने शेतात नेले. तेथे दोघांनी आळीपाळीने अत्याचार, तर तिसऱ्या संशयिताने विनयभंग केला. शुक्रवारी सायंकाळी गुन्हा दाखल होताच सावदा पोलिसांनी तीन तासांत तिघांना ताब्यात घेतले. पैकी दोघांचे वय १९, तर तिसरा अल्पवयीन आहे.
या प्रकरणी सावदा पोलीस ठाण्यात गुन्हा नोंद करण्यात आला असून पोलिसांनी त्या तिघांना ताब्यात घेतले आहे. घटनेचे गांभीर्य ओळखून जिल्हा पोलीस अधीक्षक डॉ. महेश्वर रेड्डी तसेच अपर पोलीस अधीक्षक अशोक नखाते यांच्या आदेशाप्रमाणे उपविभागीय पोलीस अधिकारी शिंदे यांच्या मार्गदर्शनाखाली सावदा पोस्टेचे सपोनि विशाल पाटील, अमोल गर्जे व पोलीस पथकांनी या संदर्भात गतीमान हालचाली करून तीन तासाच्या आत दोन संशियित आरोपी व एक विधी संघर्ष बालकाला ताब्यात घेतले. यात बंटी उर्फ आरिफ तडवी, बंटी उर्फ किरण मेढे यांना पोलिसांनी ताब्यात घेतले. तर तिसरा विधी संघर्ष आरोपीचो प्राथमिक तपास करून त्यास बालन्यायालयात तर इतर दोघांना सत्र न्यायालयात हजर केले होते.
