जळगाव (प्रतिनिधी) – परिवर्तनतर्फे ‘लेखकाचे अभिवाचन’ या उपक्रमात प्रसिद्ध आत्मकथन ‘पट्यारा’चे लेखक संतोष शिंदे सहभागी होणार आहेत.
या कार्यक्रमात संतोष शिंदे आपल्या लेखनाचा प्रवास, ‘पट्यारा’ आत्मकथनामागील अनुभव तसेच लेखनाच्या प्रक्रियेविषयी अभिवाचनातून संवाद साधणार आहेत. पाट्यारा पुस्तकाला महाराष्ट्र साहित्य परिषदेचा ‘लक्ष्मीबाई टिळक स्मृती पुरस्कार’, आपटे वाचन मंदिर, इचलकरंजी ह्यांचा ‘उत्कृष्ट गद्य साहित्य पुरस्कार’ प्रदान करण्यात आला आहे. संतोष शिंदे यांचे शिक्षण कवयित्री बहिणाबाई चौधरी उत्तर महाराष्ट्र विद्यापीठात झाले आहे.
वाचनप्रेमी, साहित्यप्रेमी आणि रंगभूमीप्रेमींना लेखकाच्या प्रत्यक्ष अभिवाचनाचा अनुभव घेता यावा, या उद्देशाने परिवर्तनतर्फे या कार्यक्रमाचे आयोजन रविवारी २३ ऑगस्ट रोजी सकाळी १०.३० वाजता गणेश कॉलनीमधील महावीर क्लासेस येथे करण्यात आले आहे.
नारायण बाविस्कर , सुदीप्ता सरकार , मंजुषा भिडे , हर्षल पाटील यांचे मार्गदर्शन लाभले आहे.
या कार्यक्रमास साहित्यप्रेमींनी मोठ्या संख्येने उपस्थित राहावे, असे आवाहन लेखकाचे अभिवाचन प्रमुख लीना लेले आणि डॉ. कीर्ती देशमुख यांनी केले आहे.
