जळगाव (प्रतिनिधी) केंद्र सरकारने पेट्रोल, डिझेल, एलपीजी, घरगुती गॅसच्या किंमती प्रचंड वाढविल्या. राज्य सरकारने वाढवलेल्या वीजबील व खाद्यतेलाच्या दरवाढी विरोधात बहुजन मुक्ती पार्टी युवा आघाडी व महिला आघाडीतर्फे आज दि. १५ जून २०२१ रोजी स्वातंत्र्य चौक ते जिल्हाधिकारी कार्यालयापर्यंत बैलगाडी, मोटरसायकल, रिक्षा व चारचाकी वाहनांना ढकलून “धक्का मारो आंदोलन करण्यात आले.
जीवनावश्यक वस्तु, खाद्यतेल, वीज यांचे भाव वाढवून राज्यातील ठाकरे सरकारने गॅस, डिझेल व पेट्रोलचे अवास्तव भाव वाढवून केंद्रातील मोदी सरकारने सर्वसामान्य माणसाचे जीवन होरपळून निघत आहे. लॉकडाऊनच्या कार्यकाळात सर्वसामान्य जनतेचे दरडोई उत्पन्न घटलेले आहे. भाव प्रचंड वाढलेले परंतू शेतमजूर, कामगार व असंघटित क्षेत्रात काम करणाऱ्या कष्टकरी माणसांचे वेतन मात्र वाढलेले नाही. त्यामुळे मोदी व ठाकरे सरकारने सर्वसामान्य जनतेचे जगणे मुश्कील केले आहे.
या धक्का मारो आंदोनलाचे नेतृत्व हारुन मन्सुरी (महाराष्ट्र राज्य सदस्य बहुजन मुक्ती पार्टी), अमजद रंगरेज (जिल्हाध्यक्ष बहुजन मुक्ती पार्टी), अलीम शेख (जिल्हा कार्याध्यक्ष बहुजन मुक्ती पार्टी), विजय सुरवाडे (जिल्हा महासचिव बहुजन मुक्ती पार्टी), सुनिता पवार, संध्या कोचुरे (बहुजन मुक्ती पार्टी महिला आघाडी) यांनी केले.
या आंदोलनास यशस्वी करण्यासाठी विनोद अडकमोल (युवा अध्यक्ष बहुजन मुक्ती पार्टी), रविंद्र वाडे (जळगाव लोकसभा मतदारसंघ प्रभारी), प्रमोद सौंदाणे पाटील (रावेर लोकसभा मतदारसंघ प्रभारी), सुनिल शिंदे पाटील, अजय इंगळे, ईरफान शेख (शहराध्यक्ष बहुजन मुक्ती पार्टी), रियाज पटेल, खुशाल सोनवणे, रहीम तांबोळी, सुभाष सुरवाडे, विजय साळवे, संगिता देहाडे, अनिता पंढारकर, राजश्री अहिरे (बहुजन मुक्ती पार्टी महिला आघाडी) यांनी परिश्रम घेतले.
मोर्चाची सांगता जिल्हाधिकारी कार्यालयाजवळ झाली. उपस्थित लोकांना बहुजन मुक्ती पार्टीच्या पदाधिकाऱ्यांनी मार्गदर्शन केले. प्रास्ताविक इरफान शेख, सुत्रसंचालन राजेंद्र खरे व आभार सुभाष सुरवाडे यांनी मानले.
प्रमुख मागण्या
१) पेट्रोल, डिझेल, गॅसच्या किंमती कमी करा.
२) खाद्यतेल व जीवनावश्यक खाद्य पदार्थाचे भाव कमी करा.
३) वीज बिल माफ करा.
४) महागाई कमी करता येत नसेल तर खुर्ची खाली करा.
या संघटनांचा पाठींबा
बहुजन क्रांती मोर्चा, भारत मुक्ती मोर्चा, भारतीय विद्यार्थी युवा व बेरोजगार मोर्चा, राष्ट्रीय मुस्लीम मोर्चा, राष्ट्रीय मुलनिवासी महिला संघ, राष्ट्रीय पेन्शनर संघ, राष्ट्रीय आदिवासी एकता परिषद, बुध्दिष्ट इंटरनॅशलन नेटवर्क, राष्ट्रीय असंघटित कामगार संघ, राष्ट्रीय रिक्षा संघ, राष्ट्रीय किसान मोर्चा, राष्ट्रीय किन्नर मोर्चा, राष्ट्रीय अतिपिछता मोर्चा, मौर्या क्रांती संघ, लहुजी क्रांती मोर्चा, राष्ट्रीय अन्याय अत्याचार निवारण शक्ती (नफ) अशा १७ संघटनांनी सक्रिय पाठिंबा दिला.
