धरणगाव (प्रतिनिधी) येथून जवळच असलेले लोणे गावाजवळ आज सकाळी झालेल्या भीषण अपघातात एक जण ठार तर दोन जण गंभीर जखमी झाले आहेत. आयशरने दुचाकीला धडक दिल्याची प्राथमिक माहिती समोर आलीय.
आज सकाळी दहा वाजेच्या सुमारास तालुक्यातील लोणी गावाच्या फाट्याजवळ दुचाकी (एमएच १९ डीपी ८६०२) वरून तीन जात होते. यावेळी अचानक समोरून येणाऱ्या आयशर (एमएच १९ झेड ३२४३) ने त्यांना जोरदार धडक दिली. या अपघातात बळीराम राजू भिल (वय १९) हा तरुण मयत झाला. तर अनिल सुरेश भिल (२२), अजय दिलीप भिल (२१) हे दोघे गंभीर जखमी झालेत. जखमी आणि मयत तालुक्यातील कंडारी गावाचे रहिवाशी आहेत. गंभीर जखमींवर धरणगाव ग्रामीण रूग्णालयात प्राथमिक उपचार करून तत्काळ जळगाव रवाना करण्यात आले आहे. दरम्यान, अपघातस्थळावरून पळून जाण्याच्या तयारीत असलेल्या आयशर चालकाला नागरीकांनी पकडून चांगलाच चोप दिला आणि पोलीसांच्या ताब्यात दिल्याचे कळते. आयशर चालक-मालक धरणगावचा असल्याचे कळतेय.
