नागपूर (वृत्तसंस्था) एका १५ वर्षीय अल्पवयीन मुलीवर बलात्काराऱ्या चार आरोपींना पोलिसांनी अटक केली आहे.
साधारण दीड महिन्यापूर्वी नारा गावाजवळ ही घटना घडली होती. दीड महिन्यानंतर पीडित १५ वर्षीय तरुणीने पोलिसात तक्रार दाखल केली आहे. पोलिसांनी चार आरोपींना अटक केली आहे. पीडितेच्या घराजवळ राहत असलेला आरोपी यश मेश्राम यांच्यासह अमित बोलके, अभिनेश देशभ्रतार, रितिक मोहरले या तिघांना देखील पोलिसांनी अटक केली आहे. बलात्कारानंतर आरोपींनी पीडितेला जीवे मारण्याची धमकी दिली होती. या घटनेमुळे पीडित तरुणी घाबरलेली होती. मात्र दीड महिन्यानंतर पीडितेच्या तक्रारीनुसार चार आरोपींनी पोलिसांनी बेड्या ठोकल्या आहेत. पोलीस सध्या या गुन्ह्याचा अधिक तपास करत आहेत.
