पाळधी ता.धरणगाव (प्रतिनिधी) अंमळनेर तालुक्यांतील आदर्श गाव सुंदर पट्टीचे लोकनियुक्त सरपंच सुरेश अर्जुन पाटील यांनी आज राज्याचे पाणीपुरवठा व स्वच्छता मंत्री तथा पालकमंत्री गुलाबराव पाटील यांच्या हस्ते आज शिवसेनेत प्रवेश केला. यावेळी शिवसेनेचे जिल्हाप्रमुख गुलाबराव वाघ यांच्यासह पदाधिकारी उपस्थित होते.
पाळधी येथे आज पालकमंत्री गुलाबराव पाटील यांच्या हस्ते अंमळनेर तालुक्यांतील आदर्श गाव सुंदर पट्टीचे लोकनियुक्त सरपंच सुरेश अर्जुन पाटील यांनी भगवा फटका घालून शिवसेनेत प्रवेश केला, या प्रसंगी शिवसेनेचे जिल्हाप्रमुख गुलाबराव वाघ, अमळनेर तालुकाप्रमुख विजू मास्तर, शहरप्रमुख संजय पाटील उपस्थित होते. सुरेश पाटील हे अमळनेर तालुका सरपंच संघाचे तालुका अध्यक्ष असून सुंदरपट्टी ग्रामपंचायतीत त्यांचे संपूर्ण पॅनल विजयी झालेले आहे. लवकरचं त्यांच्या सोबत तालुक्यांतील अनेक सरपंच,ग्रामपंचायत सदस्य व विविध सोसायटीचे सदस्य मोठ्या कार्यक्रमाद्वारे शिवसेनेत प्रवेश घेणार आहेत. त्यांच्या प्रवेशाने ग्रामीण भागात शिवसेना वाढीसाठी मदत होणार आहे. सुरेश पाटील यांच्या शिवसेना प्रवेशाचे अमळनेर शिवसेना पदाधिकाऱ्यांनी स्वागत केले आहे.
