धरणगाव (प्रतिनिधी) शहरालगत असलेल्या डॉ. हेडगेवार नगर ग्राम पंचायतच्या सरपंचपदासाठीची आरक्षण सोडत आज तहसील कार्यालयात पार पडली. यावेळी सरपंचपदाचे आरक्षण अनुसूचित जमाती महिलेसाठी राखीव निघाले आहे.
धरणगाव नगरपालिका हददीत समाविष्ट नसलेल्या क्षेत्रासाठी डॉ. हेडगेवार नगर या नावाने स्वतंत्र महसूली गाव स्थापन करण्यात येत असल्याचे राजपत्र जुलै २०२२ मध्ये प्रसिद्ध झाले होते.
मागील काही दिवसांपासून निवडणुकीची तयारी सुरू होती. मतदार यादीपासून तर प्रभागाचे आरक्षणची प्रक्रिया पूर्ण झाली होती. त्यानुसार आज तहसील कार्यालयात सरपंचपदाची आरक्षण सोडत होती. तहसीलदार महेंद्र सूर्यवंशी यांच्या उपस्थितीत आरक्षण सोडत काढण्यात आली. त्यानुसार सरपंच पद हे अनुसूचित जाती महिलेसाठी राखीव निघाले आहे. सरपंच पद एसटी राखीव निघाल्यामुळे अनेक इच्छुकांच हिरमोड झाला आहे.
