जळगाव (प्रतिनिधी) शहरातील इच्छादेवी चौफुली जवळ आज सायंकाळी पोलिसांनी नाकाबंदी दरम्यान एकाकडून 14 लाख 85 हजारांची रोकड पकडली. संबंधित व्यक्तीला रोकड संबंधी कुठलीही कागदपत्र सादर न करता आल्यामुळे पोलिसांनी तात्काळ ही रक्कम जप्त केली आहे.
चोपडा तालुक्यातील डि.के. पाटील नामक व्यक्ती बुलेटवरून जात असताना पोलिसांना त्याच्यावर संशय आला. पोलिसांनी त्याच्या बॅगची झाडाझडती घेतली असता त्यात तब्बल 14 लाख 85 हजारांची सापडली. या रोकड संबंधी त्यांच्याकडे कागदपत्रांची विचारणा केली असता ते व्यवस्थित उत्तर देऊ शकले नाहीत. दरम्यान डिके पाटील यांनी ही रोकड आपल्या शेतीशी संबंधित असल्याचे सांगितले.
नाकाबंदी दरम्यान बुलेटवरून जाणाऱ्या व्यक्तीची आम्ही बॅचची तपासणी केली असता त्यात 14 लाख 85 हजरांची रोकड सापडली. संबंधिताला पैशांविषयी व्यवस्थित माहिती न देता आल्यामुळे रोकडा आम्ही जप्त केली असून पुढील चौकशी सुरू आहे.
दत्तात्रय निकम
(पोलीस निरीक्षक, एमआयडीसी पोलीस स्टेशन जळगाव)
