जळगाव (प्रतिनिधी) नाशिक परिक्षेत्रातील पोलिस अधिकाऱ्यांच्या बदल्यांचे आदेश विशेष पोलिस महानिरीक्षकांनी काढले आहे. यामध्ये ३० अधिकाऱ्यांची जळगाव जिल्ह्यातून बदली झाली असून नवीन २४ अधिकारी येणार आहेत. यामध्ये जिल्ह्यातून दोन पोलीस निरीक्षकांची बदली झाली असून त्यांच्या जागी नवीन दोन अधिकारी येणार आहे.
जिल्ह्यात पोलीस निरीक्षक, सहाय्यक पोलीस निरीक्षक व उपनिरीक्षक या अधिकाऱ्यांचा कार्यकाळ पूर्ण झालेल्या व विनंती बदल्यांविषयी निर्णय घेत विशेष पोलिस महानिरीक्षक दत्तात्रय कराळे यांनी दि. १९ जुलै रोजी रात्री बदल्यांचे आदेश काढले. या विनंती बदल्यांमध्ये जामनेरचे पोलिस निरीक्षक किरण शिंदे यांची अहमदनगर येथे तर अमळनेर येथून नियंत्रण कक्षात आलेले विजय शिंदे यांची नाशिक ग्रामीण येथे अकार्यकारी पदावर बदली करण्यात आली आहे. जिल्ह्यातून दोन पोलिस निरीक्षक जाणार असून नंदुरबार येथील राहुलकुमार पवार व नीलेश गायकवाड
जळगावात येणार आहेत.
तीन नवीन सहाय्यक पोलीस निरीक्षक येणार
पोलीस महानिरीक्षकांनी केलेल्या विनंती बदल्यांमध्ये जिल्ह्यात तीन नवीन सहाय्यक पोलिस निरीक्षक येणार आहेत. तसेच दोन पोलिस उपनिरीक्षकांची जिल्ह्यातून इतरत्र बदली झाली असून पाच नवीन उपनिरीक्षक येणार आहेत. बदली झालेल्यां ऐवढेच अधिकारी जिल्ह्यात येणार विशेष पोलीस महानिरीक्षकांनी केलेल्या बदल्यांमध्ये कार्यकाळ पूर्ण झालेल्या १९ सहाय्यक पोलिस निरीक्षकांची जिल्ह्यातून बदली झाली आहे. तसेच यामध्ये नवीन सात सहाय्यक पोलिस निरीक्षक येणार आहेत. तसेच कार्यकाळ पूर्ण झालेल्या सात उपनिरीक्षकांची बदली झाली असून तेवढेच अधिकारी जिल्ह्यात येणार आहेत.
