पाळधी ता. धरणगाव (प्रतिनिधी) सर्वोच्च न्यायालयात शिवसेना शिंदे गटाच्या १६ आमदारांच्या अपात्रतेच्या मुद्द्यावर न्यायालयाने निर्णय विधानसभा अध्यक्षांकडे पाठविला आहे. न्यायालयात शिंदे सरकारला दिलासा मिळाल्यामुळे गुरुवारी जि.प. सदस्य प्रतापराव पाटील यांच्यासह शिवसेना शिंदे गटाच्या पदाधिकाऱ्यांनी गावात फटाक्यांची आतषबाजी करत जल्लोष केला. तसेच न्यायालयाच्या निर्णयाचे स्वागत केले.
पाळधी गटातील जिल्हा परिषद सदस्य प्रतापराव पाटील यांनी आज सत्ता संघर्ष सदर्भात आलेल्या निकालानंतर पाळधी येथे जल्लोष साजरा केला. यावेळी फटाके फोडून जय भवानी ,जय शिवाजीचा नारा देत जल्लोष साजरा करण्यात आला. यावेळी ग्रामपंचायत सदस्य डिंगबर माळी, युवासेना विधानसभा क्षेत्र प्रमुख आबा माळी, गुलाब माळी, योगेश पाटील, लखन पाटील,चंदू पवार, अक्षय पाटील , जितेंद्र माळी, बंटी पाटील, समाधान वाघ, अनिल कोळी, अजय कोळी, नितीन पाटील, जावेद भाई, जेष्ठ शिवसैनिक अनिल पंडित आदी पदाधिकारी, कार्यकर्ते उपस्थित होते.
