कोलकाता (वृत्तसंस्था) विधानसभा निवडणुकीनंतर झालेला हिंसाचार थांबत नाही तोच कोलकात्ता येथील भाजप कार्यालयाजवळ तब्बल ५१ क्रुड बॉम्ब आढळून आले आहेत. घटनेची माहिती मिळताचं बॉम्बची विल्हेवाट लावण्यासाठी पथक घटनास्थळी दाखल झाले आहे. हे सर्व बॉम्ब देशी बनावटीचे असून कमी तीव्रतेचे असल्याचे सांगण्यात येत आहे. हे सर्व बॉम्ब् निष्क्रीय केले गेले आहेत.
हे बॉम्ब कोलकाता पोलिसांच्या ऍन्टी राउडी सेक्शननं जप्त केले आहेत. गुपित माहितीच्या आधारे याठिकाणी छापेमारी करण्यात आली आहे. ही जागा हेस्टिंग क्रॉसिंग भागात येते. महत्त्वाचं म्हणजे यापूर्वी देखील पश्चिम बंगालमधून देशी बॉम्ब जप्त करण्यात आले आहेत. विधानसभा निवडणुकांच्या काळात तिसऱ्या टप्प्यातील मतदानाआधी पोलिसांनी ४१ क्रूड बॉम्ब आढळून आले होते.
दक्षिण २४ परगनाच्या बारुईपुर भागात हे बॉम्ब आढळले होते. पोलिसांच्या झाडाच्या झुडपातून हे बॉम्ब जप्त केले. याआधी २६-२८ मार्चच्या दरम्यान ८२ बॉम्ब जप्त करण्यात आले होते. नरेंद्रपूरमध्ये देखील ५६ क्रूड बॉम्ब आढळले होते. तेव्हा देखील निवडणुकींचं वातावरण होतं. पश्चिम बंगालमध्ये सतत बॉम्ब आढळत असल्याने परिसरात भीतीचं वातावरण आहे.
