पाचोरा (प्रतिनिधी) तालुक्यातील नगरदेवळा येथील गोडावून मधून ८७ हजाराचा गुटखा जप्त करण्यात आला आहे. याप्रकरणी राहुल भालचंद्र शिरुडे याच्याविरुद्ध पाचोरा पोलीस स्थानकात भा द वि १७९, १८८, २७२, २७३ व ३२८ कलमानुसार गुन्हा दाखल करण्यात आला आहे.
यासंदर्भात अन्नसुरक्षा अधिकारी किशोर आत्माराम साळुंके (वय ३९) यांनी दिलेल्या फिर्यादीनुसार, दि. ३१ मे २०२२ रोजी राहुल भालचंद्र शिरुडे (रा. वाणी गल्ली एस के पवार हायस्कूल समोर नगरदेवळा ता. पाचोरा) याने अन्न सुरक्षा व मानके कायदा २००६, नियम व नियमन २०१९ चे कलम २६ (२) (i), कलम २७, कलम (३०) (२)(a) सह कलम २६ (२) (iv), (३) (१)(zz) (i) अँड (v), २७ (३)(e) या तरतुदीचे उल्लंघन केलेले आहे. तसेच राहून याने महाराष्ट्र शासनाच्या राजपत्राचे उल्लंघन केले आहे. राजपत्रात नमूद केल्यानुसार राहुल याने त्याच्याकडे ८७ हजार ७० रुपयांचा प्रतिबंधित गुटखा बाळगला. तसेच चोरट्या पद्धतीने विक्रीसाठी वाहतूक व साठा करीत असल्यामुळे राहुल भालचंद्र शिरुडे याच्याविरुद्ध पाचोरा पोलीस स्थानकात भा द वि १७९, १८८, २७२, २७३ व ३२८ कलमानुसार गुन्हा दाखल करण्यात आला आहे. तसेच पुढील तपास सपोनि राहुल मोरे हे करीत आहेत.
