पिंप्री खुर्द ता. धरणगाव (प्रतिनिधी) येथील एका शेतकऱ्याच्या बैलजोडीतील एका बैलास लम्पीने ग्रासल्याने त्याचा मृत्यू झाला. परिणामी शेतकऱ्याचे सुमारे ५० हजारांचे नुकसान झाले आहे. बैल दगावल्याची माहिती पशुधन विकास अधिकाऱ्यांना देण्यात आली आहे.
शेतकरी शरद फुलचंद चौधरी यांच्या शेतात काम करणारे रमेश पावरा दोघं बैलांना गेल्या आठ ते दहा दिवसापासून लम्पी आजाराचा प्रादुर्भाव दिसून येत होता. त्यातील एक बैलाचा आज मृत्यू झाला असून दुसरा बैल सुद्धा गंभीर अवस्थेत आहे. पिंप्री आणि परिसरात लम्पी आजार जनावरांमध्ये मोठ्या प्रमाणात दिसून येत आहे. तरी शेतकरी बांधवांनी आपल्या जनावरांना लस द्यावी, असे आवाहन प्रशासनाकडून करण्यात येत आहे. तसेच गावात मोकाट गुरे सोडू नये, असे देखील प्रशासनातर्फे आवाहन करण्यात आले आहे. दरम्यान, एेन हंगामात बैलाचा मृत्यू झाल्याने शेतकऱ्याचे दुहेरी नुकसान झाले अाहे. दुसरीकडे लम्पी रोग संसर्गजन्य असल्याने पशुपालकांनी बाधित जनावराला वेगळे ठेवावे. गोठ्याची स्वच्छता,जनावरांची स्वच्छता ठेवावी. आवश्यक त्या फवारण्या कराव्यात असं आवाहन प्रशासनाकडून करण्यात आले आहे.
