नंदुरबार (प्रतिनिधी) महात्मा फुले कृषी विद्यापीठाच्या अंतर्गत ग्रामीण कृषी जागृकता व कृषी औद्योगिक कार्यानुभव कार्यक्रमाअंतर्गत कार्यरत असलेल्या कृषी महाविद्यालय नंदुरबार येथील शेवटच्या वर्षात शिक्षण घेत असलेला विद्यार्थी कृषीदूत तेजस शेषराव चौधरी (शिंगाडी, ता:रावेर) याने गावात विविध उपक्रम व प्रात्यक्षिक कार्यक्रमाची सुरुवात केली.
ग्रामिण कृषी कार्यानुभव या कार्यक्रमाअंतर्गत गावात विविध उपक्रम व प्रात्यक्षिकांचे आयोजन केले जात आहे. शेतकऱ्यांसाठी माती परीक्षणाचे महत्त्व, माती नमुना संकलनाचे शास्त्रीय पद्धत, सेंद्रीय शेती, आधुनिक मोबाईल तंत्रज्ञानाच्या शेतीत सुयोग्य वापर, बीजप्रक्रिया, जनावरांचे लसीकरण, एकांत्मिक रोग व कीड व्यवस्थापन, फळबाग लागवड, अन्नप्रक्रिया आदी विषय या संदर्भात शेतकऱ्यांना मार्गदर्शन व प्रात्यक्षिकाद्वारे स्वतः करून दाखविले. पारंपरिक शेती पद्धतीला आधुनिक तंत्रज्ञानाची जोड मिळाल्यास शेती उत्पादनात वाढ होऊ शकते. शेतकऱ्यांना उत्पन्न वाढीस मदत होईल. तसेच कृषिदूत तेजस चौधरी याने शेतकऱ्यांना माती परिक्षणाचे फायदे समजावून सांगितले. सध्याचा मृदेचा होणारा ऱ्हास व माती परिक्षण शिबिरांचे खेडोपाडी असणारी आवश्यकयता यावरही त्याने शेतकऱ्यांसोबत बोलत असताना त्यांना सांगितले. मृदा परिक्षण कसे करावे आणि का करावे? याचे अनमोल मार्गदर्शन केले. या कामात महाविद्यालयाचे सहयोगी अधिष्ठाता डॉ. एस.बी. खारबाडे तसेच महाविद्यालयातील प्राध्यापकांचे मार्गदर्शन लाभले.
