मुंबई (वृत्तसंस्था) मुख्यमंत्री उद्धव ठाकरे यांना कोरोनाचे नियम मोडले आहेत. सकाळी त्यांचा कोरोना अहवाल पॉझिटिव्ह आला आहे, तरीही त्यांनी आज मुंबईतील वर्षा बंगल्यावर गर्दीत गेले, त्यामुळे त्यांनी कोरोनाचे नियम मोडले. उद्धव ठाकरे आणखी डोकेदुखी वाढण्याची शक्यता आहे. मुंबईत पोलिसात तक्रार दाखल करण्यात आल्याची माहिती समोर आली आहे.
मुख्यमंत्री ठाकरे यांची कोरोना अ‍ॅन्टिजन टेस्ट पॉझिटिव्ह आल्याने त्यांनी काल मंत्रिमंडळाच्या बैठकीला देखील ऑनलाईन हजेरी लावली होती. त्यानंतर मुख्यमंत्री यांनी आरटीपीसीआर टेस्ट केली. ती टेस्ट निगेटिव्ह आल्याने संध्याकाळी मुख्यमंत्री उद्धव ठाकरे यांच्या भेटीकरिता राष्ट्रवादी काँग्रेसचे अध्यक्ष शरद पवार यांनी वर्षा निवासस्थानी भेट घेतली.
सायंकाळी पाच नंतर मुख्यमंत्री उद्धव ठाकरे यांनी जनतेशी संवाद साधल्यानंतर वर्षा निवासस्थान सोडणार असल्याचे जाहीर केल्यानंतर मोठ्या प्रमाणात शिवसैनिक मलबार हिल येथील वर्षा निवासस्थानी जमले होते. भाजपचे दिल्लीतील युवा नेते यांनी मलबार हिल पोलीस स्टेशनमध्ये ऑनलाईन तक्रार दाखल करत, मुख्यमंत्री उद्धव ठाकरे यांनी कोरोना नियमांचे उल्लंघन केले असल्यामुळे त्यांच्यावर कायदेशीर कारवाई करण्यात यावी, अशी तक्रार दिली आहे. आता यावर काय कारवाई केली जाईल हे पाहणं महत्वाचं असणार आहे.
