अमळनेर (प्रतिनिधी) तालुक्यातील एका गावात राहणाऱ्या एका मुकबधीर १६ वर्षीय मुलीवर गावातीलच काही टवाळखोर काही महिन्यांपासून लैंगिक अत्याचार करत होते. या अत्याचारातून पिडीता गर्भवती राहिली. या प्रकरणी अमळनेर पोलिसांनी एकाला अटक केली असून इतर संशयितांचा शोध सुरु झाला आहे.
अमळनेर तालुक्यातील एका गावात राहणाऱ्या मुकबधिर १६ वर्षीय अल्पवयीन मुलीच्या असहाय्यतेचा गावातील दिपक नाना भिल आणि लखन उर्फ अंकुश बुध भिल यांच्यासह इतर काही मुलं गैरफायदा घेत होते. ही मुलं गेल्या सात महिन्यांपासून पिडीत मुलीला शेतात घेवून जावून तिच्यावर आळीपाळीने अत्याचार करत होते. या अत्याचारातून अल्पवयीन मुलगी गर्भवती झाली. हा प्रकार अल्पवयीन मुलीच्या नातेवाईकांना समजला. त्यानंतर पीडीत मुलीच्या वडीलांनी अमळनेर पोलीस ठाण्यात धाव घेवून रितसर तक्रार दिली. यानंतर संशयित आरोपी दिपक नाना भिल आणि लखन उर्फ अंकुश बुध भिल यांच्यासह इतर गल्लीतील मुलांवर गुन्हा दाखल करण्यात आला आहे. या घटनेची पुढील तपास पोलीस उपनिरीक्षक नरसिंग वाघ करीत आहे.
