मुक्ताईनगर (प्रतिनिधी) मंगळवारी राष्ट्रवादी काँग्रेसतर्फे आयोजित कार्यक्रमात माजी मंत्री एकनाथराव खडसे यांनी अजून एक नवीन गौप्यस्फोट केला आहे. बीएचआर घोटाळा प्रकरणात लवकरच एका मोठ्या नेत्यावर गुन्हा दाखल होणार असल्याचे खडसे म्हणाले आहेत.
माजी मंत्री एकनाथराव खडसे यांनी दोन दिवसांपूर्वी पत्रकार परिषद घेऊन बीएचआर घोटाळ्याची व्याप्ती ही तब्बल अकराशे कोटी रुपयांची असल्याचा दावा करून खळबळ उडवून दिली आहे. बीएचआर सरकारी बँक घोटाळ्यात एका बड्या नेत्यावर गुन्हा दाखल होणार असल्याचे सूतोवाच माजी मंत्री तथा राष्ट्रवादीचे ज्येष्ठ नेते एकनाथराव खडसे यांनी सूतोवाच केले आहे. या कार्यक्रमात एकनाथराव खडसे म्हणाले की, बीएचआर घोटाळ्यात अनेक नेते अडकले असून ही एक संपूर्ण टोळीच आहे. यातील एका बड्या नेत्यावर दोन दिवसात गुन्हा दाखल होणार असल्याचा दावा देखील त्यांनी केला. दरम्यान आता बडा नेता कोण? याबाबत उत्सुकतेचे वातावरण निर्मित झाले आहे.
