जळगाव (प्रतिनिधी) येथील जुना खेडी रोड ज्ञानदेव खासगी वाहन चालक नगरातील किशोर मनोहर पाटील (वय- ४९) यांनी विषप्राशन केल्याची घटना गुरुवार घडली होती. दरम्यान, खासगी रुग्णालयात उपचार सुरु असताना त्यांचा मृत्यू झाला आहे. या प्रकरणी शनिपेठ पोलीस ठाण्यात अकस्मात मृत्यूची नोंद करण्यात आली आहे.
यासंदर्भात अधिक असे की, जुना खेडी रोड ज्ञानदेव नगरातील किशोर मनोहर पाटील (वय- ४९) यांनी विषारीद्रव प्राशन केल्याची घटना गुरुवार (ता.१२ ऑगस्ट) रोजी घडली होती. त्यांच्यावर जळगाव शहरात शाहुनगरातील खासगी ट्रॉमासेंटर मध्येउपचार सुरु होते. उपचारादरम्यान शुक्रवारी त्यांची प्राणज्योत मालवली. किशोर पाटील यांनी कोणत्या कारणावरुन विषप्राशन केले ते मात्र, कळू शकलेले नाही. खासगी वाहन चालक किशोर पाटील यांच्या पश्चात पत्नी मुलगा व मुलगी असा परिवार आहे. याप्रकरणी शनिपेठ पोलिसात अकस्मात मृत्यूची नोंद करण्यात आली आहे. याप्रकरणी पुढील तपास पोलीस प्रमोद पाटील हे करीत आहेत.
