चाळीसगाव (प्रतिनिधी) नौकरी लावून देण्याच्या नावाखाली १ लाख लुबाडून एका २९ वर्षीय तरुणीवर अमानुषपणे नैसर्गिक व अनैसर्गिक अत्याचार केल्याची धक्कादायक घटना घडली आहे. याप्रकरणी पिडीतेच्या फिर्यादीवरून गुन्हा दाखल करत एकाला अटक केली आहे.
या संदर्भात अधिक असे की, पिडीतेस नौकरी लावून देण्याच्या नावाखाली असिफ हुसेन खान (वय ४५) याने २१ जून २०२१ ते २७ मार्च २०२३ च्या दरम्यान, पिडीतेकडून एक लाख रुपये घेतले. तसेच पिडीतेसोबत जबरदस्तीने अमानुषपणे नैसर्गिक व अनैसर्गिक वेळोवेळी शारीरिक संबंध प्रस्थापित केलेत. एवढेच नव्हे तर सदर संबंधाबाबत कोणास काही एक सांगितले तर जिवंत ठेवणार नाही, अशी धमकी देऊन शिवीगाळ केली. याप्रकरणी पिडीतेच्या फिर्यादीवरून बलात्काराचा गुन्हा दाखल करण्यात आला असून संशयित आरोपी असिफ खानला अटक केली आहे. पुढील तपास सपोनी दिपक बिरारी हे करीत आहेत.
