रावेर (प्रतिनिधी) जळगाव जिल्ह्यातील रावेर येथील रहिवासी बी शेख मुस्तकीन (वय २२) या महिलेने माऊली रुग्णालयात तिळ्यांना जन्म दिला आहे. डॉक्टरांच्या मदतीने महिलेची नॉर्मल प्रसुती झाली असून तीन मुलांसह मातेची तब्येत चांगली आहे.
मिळालेल्या माहितीनुसार, शहरातील मन्यारवाडा भागातील रहिवासी अमरीन बी शेख मुस्तकीन (वय २२) या महिलेस प्रसव पिडा जाणवू लागल्याने माऊली रुग्णालयात दाखल करण्यात आले. संबंधीत महिलेची प्रकृती बघता नॉर्मल प्रसूती होण्याचे चिन्ह दिसत नव्हते. डॉ. संदीप पाटील यांनी संबंधीत रूग्णाच्या नातेवाईकांना धीर देत अमरीनची नॉर्मल प्रसूती केली. दुपारी १.२२ वाजेच्या सुमारास तिळ्यांना अमरीनने जन्म दिला. तिघ ही मुले असून त्यांची प्रकृती चांगली आहे. तिळ्यांना जन्म दिल्याचे माहित होताच रुग्णाच्या नातेवाईकांनी त्यांना पाहण्यासाठी एकच गर्दी केली होती.
