बीड (वृत्तसंस्था) बसमध्ये चढत असताना अज्ञात चोरट्यांनी माहेरी निघालेल्या विवाहितेची सव्वा चार लाखांचे दागिने ठेवलेली पर्स लांबविल्याची घटना केज शहरातील बसस्थानकात घडली. याप्रकरणी पोलिसात गुन्हा दाखल झाला आहे.
पिंपरी-चिंचवड भागात वास्तव्यास असलेल्या तेजस्विनी रामेश्वर अचिंतलवार या पती, सासु मुलांसह भावाच्या मुलीच्या लग्नासाठी ३ मे रोजी धारूरला आल्या होत्या. लग्नकार्य पार पडल्यानंतर माहेरी गेवराई येथे जाण्यासाठी सर्वजण ६ मे रोजी बसस्थानकात आले. तेजस्विनी अचिंतलवार या दुपारी १ वाजता अहमदपूर ते छत्रपती संभाजीनगर या बसमध्ये चढ़त होत्या. याच वेळी गर्दीचा फायदा घेत अज्ञात चोरट्यांनी त्यांची दागिने ठेवलेली पर्स लांबवली. त्या पर्समध्ये १ लाख ५७ हजार ५०० रुपयांचे ४५ ग्रॅमचे सोन्याचे पट्टी गंठण, १ लाख ५७ हजार ५०० रुपयांचे ४५ ग्रॅमच्या हातातील सोन्याचे दोन तोडे, ७० हजार रुपयांचे २० ग्रॅमचे सोन्याचे कडे, २८ हजार रुपयांच्या प्रेमच्या सोन्याच्या ३ अंगठया, असा एकूण ४ लाख १३ हजार रुपयांचे दागिने होते.
