धरणगाव (प्रतिनिधी) शहरातील वेगवेगळ्या भागातून अज्ञात चोरट्यांनी दोन दुचाकी लंपास केल्याप्रकरणी धरणगाव पोलिसात गुन्हा दाखल करण्यात आला आहे.
या संदर्भात पहिली फिर्याद श्यामसुंदर रमेश काबरा (वय ५०, व्यवसाय-शेती रा. भाटिया गल्ली) यांनी दिली आहे. त्यात म्हटलेय की, दि. ३ जून रोजी रात्री साडेअकरा वाजेच्या सुमारास होन्डा कंपनीची दुचाकी (एमएच १९०१ सीक्यू ०८९३) कंपनीची मोटार सायकल कोट बाजार परिसरातून अज्ञात चोरट्याने लंपास केली. या प्रकरणी गुन्हा दाखल करण्यात आला असून पुढील तपास पो.ना. ऊमेश पाटील हे करीत आहेत.
तर दुसरी फिर्याद सचिन प्रभाकर पाटील (वय ४२, व्यवसाय- एजन्सी रा. बोरगांव बु.ता. धरणगाव) यांनी दिली आहे. त्यात त्यांनी म्हटले आहे की, दि. २८ मे रोजी रात्री साडेआठ वाजेच्या सुमारास त्यांची दुचाकी क्र. (एमएच. १९ टी ४२०४) ही दत्तदुर्गा नगरमधून अज्ञात चोरट्याने चोरून नेली. या प्रकरणी धरणगाव पोलिसात गुन्हा दाखल करण्यात आला असून पुढील तपास स. फौ. रामदास पावरा हे करीत आहेत.
