जळगाव प्रतिनिधी । भाच्यासोबत शिवाजी नगरात जाणाऱ्या तरूणाला किरकोळ कारणावरून धारदार शस्त्राने वार करून जखमी करत भाच्याला मारहाण केल्याची घटना छत्रपती शिवाजी नगरातील रेल्वे पुलाजवळ दिल्याची घटना शुक्रवारी १९ जुलै रोजी रात्री ११.३० वाजता घडली. याप्रकरणी जळगाव शहर पोलीस ठाण्यात गुन्हा दाखल करण्यात आला आहे.
दिपक सखाराम बागुल वय ३४ रा. शिवाजी नगर, जळगाव हा तरूण आपल्या कुटुंबासह वास्तव्याला आहे. शुक्रवारी १९ जुलै रोजी रात्री ११.३० वाजता तो त्याचा भाचाला सोबत घरी जात असतांना छत्रपती शिवाजी नगरातील रेल्वे पुलावरून जात असतांना आफताब शेख करीम हा मोठमोठ्याने गाणे म्हणत होता. त्यावेळी दिपक बागुल याने गाणे म्हणण्याचा जाब विचारला. या रागातून आफताब शेख करीम यांच्यासह त्याच्या सोबत असलेले अनोळखी तीन जणांनी तरूणावर चाकूसारख्या धारदार वस्तू डोक्यात मारून जखमी केले. तर त्याच्या भाचाला शिवीगाळ करत मारहाण केली आणि जीवेठार मारण्याची धमकी दिली. ही घटना घडल्यानंतर दिपक बागुल याने शहर पोलीस ठाण्यात तक्रार दिली. त्यानुसार शनिवारी आफताब शेख करीम (पुर्ण पत्ता माहीत नाही) यांच्यासह त्याचे सोबत असलेले अनोळखी तीन जणांविरोधात गुन्हा दाखल करण्यात आला आहे.
