धरणगाव (प्रतिनिधी) तालुक्यातील एका गावातील १७ वर्षीय अल्पवयीन मुलीवर नात्यातीलच एका व्यक्तीने अत्याचार केल्याची घटना घडली आहे. या प्रकरणी पोलिसांनी गुन्हा दाखल केला असून पुढील तपास सुरु केला आहे.
जळगाव महिला बालकल्याण समितीने पिडीतेचा जबाब नोंदविला होता. त्यानुसार दि.17 जनार्वारी रोजी महिला पोलीस अधिकारी यांच्यासमक्ष पिडितीचा जबाब नोंदविण्यात आला आहे. त्यानुसार पिडीत मागील एक महिण्यापासून महिला व बालकल्याण समिती जळगाव येथे राहत आहे. चोपडा पोलिसांनी पिडीतेला अजमेर बालकल्याण समिती येथून ताब्यात घेत सोबत आले होते. सुमारे दोन वर्षांपूर्वी नात्यातील एका व्यक्तीने मद्याच्या नशेत चुकीचे कृत्य केले. यामुळे पिडीता सुरतला कोणालाही न सांगता निघून गेली. पिडीतेसोबत अश्लिल कृत्य करत असल्यामुळे पिडीता घरातून पळून गेली होती. दरम्यान, या प्रकरणी पोस्कोसह विविध कलमान्वये गुन्हा दाखल करण्यात आला असून पुढील तपास पो.नि. राहुल खताळ यांच्या मार्गदर्शनाखाली कर्मचारी करीत आहेत.
