चोपडा (प्रतिनिधी) चोपडा शिरपूर रस्त्यावरील काजीपुरा या फाट्याजवळ दि.५ रोजी सायंकाळी मोटार सायकल आणि ट्रकमध्ये रस्त्यावरील खड्डे चुकवण्याच्या प्रयत्नात अपघात झाला. यात एकजण जागीच ठार झाला असून गंभीर जखमीस धुळे येथे पुढील उपचारासाठी तात्काळ हलवण्यात आले आहे.
याबाबत मिळालेल्या माहिती नुसार सायंकाळी साधारण ६ : ३० वाजेच्या सुमारास चोपडा शिरपूर रस्त्यावर काजीपुरा फाट्याजवळ मोटार सायकल आणि ट्रक यात अपघात झाला. प्रत्यक्षदर्शिंच्या म्हणण्यानुसार हा अपघात रस्त्यावरील खड्डे चुकवत असताना झाला. यात मोटार सायकल स्वार अजय भोई ( २९ ) रा.सेंधवा मध्य प्रदेश हा जागीच ठार झाला तर सोबत एक व्अयक्सती (नाव-गाव माहीत नाही) हा गंभीर जखमी असून,त्यास पुढील उपचारासाठी धुळे येथे हलविण्यात आले आहे.
