लखनऊ (वृत्तसंस्था) उत्तरप्रदेशात एका बुलेरो कार आणि बसमध्ये झालेला भीषण अपघातात ७ लोकांचा मृत्यू झाल्याची माहिती मिळत आहे. त्यासोबत यात जवळपास ३२ लोक जखमी झाले आहेत.
उत्तरप्रदेशातील पूरनपूर परिसरातील पीलीभीतजवळील नॅशनल हायवे ३० वर एका कार आणि बसमध्ये भीषण धडक झाली. ही धडक इतकी भीषण होती की अपघातग्रस्त झालेली बस बाजूला असलेल्या शेतात कोसळली. ही बस लखनौहून पीलीभीत या ठिकाणी जात होती. यात अनेक प्रवासी प्रवास करत होते. तर बुलेरो कार ही पूरनपूरमधून पीलीभीत या ठिकाणी येत होती. यातही अनेक प्रवाशी असल्याची माहिती मिळत आहे. पहाटे ३ ते ४ च्या सुमारास हा अपघात घडला. दरम्यान या अपघातात ७ लोकांचा मृत्यू झाला आहे. तर अनेक जण जखमी झाले आहेत. सध्या जखमींना जवळील रुग्णालयात उपचारासाठी दाखल करण्यात आले आहे.
