लातूर (वृत्तसंस्था) उजनी मोड येथील बासुंदी महाराष्ट्र भर प्रसिद्ध असून प्रत्येक एस टी बस चालक या लालसेपोटी राँग साईड गाडी घालतात. येथील हॉटेलवर फुकट मिळणार जेवण नाश्ता करण्यासाठी अर्धा किलोमीटर अंतरावरून एसटी बस चुकीच्या बाजूने आली आणि उजनी येथून भातगळीकडे जाणार्‍या दुचाकीला जोराची धडक दिली. यात बाप-लेकाचा जागीच मृत्यू झाला.
यासंदर्भात अधिक असे की, औसा-तुळजापूर रोडवरील उजनी मोड येथे रवी हॉटेल समोर नांदेड – तालिकोट (KA 28 F 2454) या क्रमांकाची एसटी बस तालिकोट येथे जात असताना उजनी मोड येथे हॉटेलवर फुकट मिळणार जेवण नाश्ता करण्यासाठी अर्धा किलोमीटर अंतरावरून चुकीच्या बाजूने आली. उजनी येथून भातगळी कडे जाणार्‍या (MH 25 Z 4538) या दुचाकीला जोराची धडक दिली. त्यात उस्मानाबाद जिल्ह्यातील लोहारा तालुक्यातील भातगळी येथील ज्ञानेश्वर हनुमंत जगताप (वय ३० वर्ष) आणि हनुमंत माणिक जगताप (वय ७०) यांचा जागीच मृत्यू झाला आहे.
ज्ञानेश्वर जगताप व हनुमंत जगताप पितापुत्र उजनी येथे उजनी येथे शेतातील औषध घेण्यासाठी आले होते. ते परत आपल्या गावाकडे जात असताना हा अपघात घडला त्यात बापलेकांचा जागीच मृत्यू झाला आहे. त्यांना राष्ट्रीय महामार्ग प्राधिकरणाच्या व भादा पोलीस ठाण्यातील कर्मचारी व नातेवाईक यांनी शवविच्छेदन करण्यासाठी उजनी येथील प्राथमिक आरोग्य केंद्रात दाखल करण्यात आले.
