जळगाव (प्रतिनिधी) शहरातील भुसावळ रोडवरील दुरदर्शन टॉवरजवळ आज पहाटे आयशर आणि गॅस कंन्टेनरमध्ये झालेल्या अपघातात आयशर चालक जखमी झाला आहे.
यमूना ईश्वर माळी (रा. धुळे) यांच्या मालकीचा ट्रक (क्रमांक एम.एच. १८ बी.एच. ५३५५) हा नागपूरकडून मालेगावकडे कापडाचे सुत घेऊन जात होता. आज पहाटे ६ वाजेच्या सुमारास शहराजवळील दुरदर्शन टॉवरजवळ समोरून येणाऱ्या गॅस कंन्टेनरने आयशरला जोरदार धडक दिली. त्यामुळे कंटेनर रोडाच्या बाजूला असलेल्या गड्ड्यात पडला. तर यात आयशर वरील चालक गोरख गोविंदा पाटील (रा. रतनपूरा बोरकून ता.जि.धुळे) हा जखमी झाला. दुसरीकडे गँस कंटेनरचा चालक हा फरार झाला आहे. घटनेची माहिती मिळता एमआयडीसी पोलीस ठाण्याचे कर्मचारी गणेश शिरसाळे आणि चंद्रकांत पाटील यांनी घटनास्थळी जाऊन वाहतूक सुरळीत केली.
