जळगाव (प्रतिनिधी) शहरातील पिंप्राळा भागात लोखंडी चॉपर घेऊन दहशत निर्माण करणाऱ्या तरुणावर रामानंदनगर पोलिसांनी सोमवारी १६ सप्टेंबर रोजी दुपारी १ वाजता कारवाई केली आहे. याप्रकरणी सायंकाळी ५ वाजता रामानंदनगर पोलीस ठाण्यात गुन्हा दाखल करण्यात आला आहे. युवराजसिंग उज्वलसिंग गिरासे (वय-२१, रा. इंद्रनील सोसायटी पिंप्राळा), असे संशयित आरोपीचे नाव आहे.
जळगाव शहरातील पिंप्राळा भागात संशयित आरोपी युवराजसिंग गिरासे हातात लोखंडी चॉपर घेऊन परिसरात दहशत माजवीत असल्याची गोपनीय माहिती रामानंदनगर पोलिसांना मिळाली. त्यानुसार पोलिसांनी सोमवारी १६ सप्टेंबर रोजी दुपारी १ वाजता कारवाई करत संशयित आरोपी युवराजसिंग उज्वलसिंग गिरासे यांच्याकडून लोखंडी चॉपर जप्त केला आहे. याप्रकरणी पोलीस कॉन्स्टेबल रवींद्र चौधरी यांनी दिलेल्या फिर्यादीवरून रामानंदनगर पोलीस ठाण्यात सायंकाळी ५ वाजता गुन्हा दाखल करण्यात आला आहे. या गुन्ह्याचा पुढील तपास पोलीस हेडकॉन्स्टेबल सुशील चौधरी करीत आहे
