मुंबई (वृत्तसंस्था) प्रसिद्ध अभिनेते सतीश कौशिक (Satish Kaushik) यांचे निधन झाले आहे. वयाच्या 66 व्या वर्षी त्यांनी अखेरचा श्वास घेतला. त्यांना हृदयविकाराचा झटका आला होता. सतीश कौशिक यांनी अनेक हिंदी चित्रपटांमध्ये काम केलं. परवाच सतिश कौशिक यांनी अत्यंत जल्लोषात होळीचा उत्सव साजरा केला होता. त्यामुळेच कौशिक यांच्या अचानक निधनामुळे बॉलिवूडला मोठा धक्का बसला आहे.
परवाच सतिश कौशिक यांनी अत्यंत जल्लोषात होळीचा उत्सव साजरा केला होता. प्रसिद्ध गीतकार जावेद अख्तर यांनी जुहू येथे होळीच्या पार्टीचं आयोजन केलं होतं. या कार्यक्रमात सतिश कौशिक सहभागी झाले होते. त्यांनी आपल्या सहकारी कलाकरांसोबत होळीचा आनंदही लुटला होता. जावेद अख्तर, रिचा चढ्डा, अली फजल आणि महिमा चौधरींसोबत त्यांनी होळी खेळतानाचे फोटोही काढले होते. त्यांनी हे फोटो ट्विटरवर शेअरही केले होते.
या फोटोत कौशित अत्यंत प्रसन्न मुद्रेत दिसत आहेत. मौजमजा करताना दिसत आहेत. ते आजारी आहेत, असं कुठेही वाटत नाही. दरम्यान, ‘मृत्यू हे या जगाचे अंतिम सत्य आहे!’ हे माहित आहे. पण मी माझ्या जिवलग मित्र सतीश कौशिकबद्दल असे लिहावे लागेल, हे स्वप्नातही वाटले नव्हते. 45 वर्षांच्या मैत्रीला असा अचानक पूर्णविराम! ओम शांती’ असं ट्वीट करत अनुपम खेर यांनी सतीश कौशिक यांना श्रद्धांजली वाहिली.
