जळगाव (प्रतिनिधी) केंद्रीय मंत्री नारायण राणे यांना अटक झाल्यानंतर पाळधीत शिवसैनिकांनी एकच जल्लोष साजरा केला. दरम्यान, तत्पूर्वी राणेंना अटक करण्यासाठी पोलिसांना निवेदन देण्यात आले होते, यावेळी जि.प. सदस्य प्रतापराव पाटील, माजी सभापती मुकुंदराव नन्नवरे यांच्यासह पदाधिकारी उपस्थित होते.
नारायण राणेंच्या बेताल वक्तव्यामुळे कायदा-सुव्यवस्था धोक्यात आलेली होती. तोंड आहे की गटार, अशा शब्दांत राणेंचा उद्धार करत राणेंवर तात्काळ गुन्हा दाखल करा, अन्यथा रास्ता रोको करू, शिवसेना स्टाईलने उत्तर दिले जाईल, असे निवेदन एपीआय गणेश बुवा यांना आज शिवसैनिकांनी दिले होते. सकाळी निवेदन देताना जिल्हा परिषद सदस्य प्रताप गुलाबराव पाटील, माजी सभापती मुकुंदराव नन्नवरे, विधानसभा क्षेत्र प्रमुख संजय पाटील, सरपंच प्रकाश नाना पाटील, चंदन कलमकर, युवा सेना आबा माळी, शाकिर शेख, कालु शेख, सरपंच चंदू माळी, अरुण पाटील, प्रसाद शिंदे, अनिल माळी, रवी माळी, मच्छिद्र कोळी, सुरेश पाटील, चेतन झंवर आदी उपस्थित होते.
