नवी दिल्ली (वृत्तसंस्था) अहमदाबाद बॉम्बस्फोट प्रकरणी गुजरात न्यायालयाने मोठा निर्णय दिला आहे. गुजरात विशेष न्यायालयाने या प्रकरणात ४९ जण दोषी असल्याचं म्हटलं असून २८ जणांची निर्दोष मुक्तता केली आहे. अहमदाबादमधील विविध ठिकाणी ६ जुलै २००८ साली बॉम्बस्फोट (Serial Bomb Blast) करण्यात आले
काय होते अहमदाबाद बॉम्बस्फोट प्रकरण
२६ जुलै २००८ हा तो दिवस होता जेव्हा ७० मिनिटांच्या कालावधीत २१ बॉम्बस्फोटांनी अहमदाबाद हादरले होते. संपूर्ण शहरात झालेल्या या बॉम्बस्फोटांमध्ये ५६ जणांचा मृत्यू झाला होता तर २०० जण जखमी झाले होते. बॉम्बस्फोटांचा तपास अनेक वर्षे चालला आणि सुमारे ८० आरोपींवर खटला चालवण्यात आला.
वरिष्ठ सरकारी वकील सुधीर ब्रह्मभट्ट यांनी सांगितले की, या खटल्याची सुनावणी करणारे विशेष न्यायाधीश एआर पटेल यांना कोरोनाची लागण झाल्यानंतर ते आयसोलेशनमध्ये गेले होते, त्यामुळे निकालाची तारीख १ फेब्रुवारीपासून वाढवण्यात आली होती. आता ते बरे होऊन परत आले आहेत.
इंडियन मुजाहिदीन (IM) आणि प्रतिबंधित स्टुडंट्स इस्लामिक मूव्हमेंट ऑफ इंडिया (SIMI) या दहशतवादी संघटनेशी संबंधित लोकांनी शहरात स्फोट घडवून आणल्याचा दावा पोलिसांनी केला होता. २००२ च्या गोधरा कांड नंतरच्या दंगलीला प्रत्युत्तर म्हणून आयएमच्या दहशतवाद्यांनी हे स्फोट घडवून आणल्याचे पोलिसांचे म्हणणे होते.
१२ वर्षे चालली ट्रायल
२००९ मध्ये ट्रायल सुरू झाल्या, जेव्हा सुमारे ३५ केसेसचा एक मोठा खटला बनला होता. अहमदाबाद आणि सुरतमध्ये जिथे पोलिसांना बॉम्ब सापडले त्या ठिकाणी एफआयआर दाखल करण्यात आला. दीर्घ चाचणीत अनेक टर्निंग पॉइंट आले. न्यायाधीश एआर पटेल यांच्यासमोर फिर्यादी पक्षाने १,१०० हून अधिक साक्षीदारांची चौकशी केली.
या खटल्याशी संबंधित ६००० कागदपत्रे न्यायालयात सादर करण्यात आली. ३,४७,८०० पानांची ५४७ आरोपपत्रे तयार करण्यात आली. केवळ प्राथमिक आरोपपत्र ९८०० पानांचे होते. ७७ आरोपींचा १४ वर्षांनंतर युक्तिवाद पूर्ण झाला. निर्णय घेण्यासाठी ७ न्यायाधीश बदलले, लॉकडाऊनमध्येही दररोज सुनावणी सुरू होती. सुरक्षेच्या दृष्टीने या हाय-प्रोफाइल खटल्यातील प्राथमिक चाचण्या साबरमती कारागृहात पार पडल्या. बहुतांश सुनावणी व्हिडिओ कॉन्फरन्सिंगद्वारे झाली. खून, हत्येचा प्रयत्न आणि गुन्हेगारी कट याशिवाय आरोपींवर दहशतवादविरोधी कायद्यान्वयेही गुन्हे दाखल करण्यात आले आहेत.
यासीन भटकळ दिल्लीच्या तुरुंगात आहे
दिल्ली तुरुंगात बंद असलेल्या यासीन भटकळला नव्या प्रकरणाला सामोरे जावे लागणार आहे. यासीन पाकिस्तानात पळून गेला होता, त्याला नंतर पकडण्यात आले. ७७ आरोपींपैकी ४९ अहमदाबाद साबरमती कारागृहात, १० भोपाळ कारागृहात, ४ मुंबईच्या तळोजा कारागृहात, ५ बेंगळुरू कारागृहात, ६ केरळ कारागृहात, २ जयपूर कारागृहात आणि २ जण दिल्ली कारागृहात बंद आहेत.
