अकोला (प्रतिनिधी) शहरासह जिल्ह्यातून एलसीबीकडून चारचाकी व दुचाकी लंपास करणाऱ्या टोळीचा अकोला एलसीबीकडून पर्दाफाश करण्यात आला आहे. टोळीतील दोघांकडून एकूण ५ लाखांचा मुद्देमाल जप्त करण्यात आला आहे.
स्थानिक गुन्हे शाखेचे वरिष्ठ पोलीस निरीक्षक शंकर शेळके यांनी आपल्या पथकातील अधिकारी कर्मचाऱ्यांना मोठया प्रमाणात चोरी गेलेल्या दुचाकी व चारचाकी वाहन शोध घेवून गुन्हा उघडकीस आणण्याबाबत आदेश दिले होते. त्यानुसार दि. १८ सप्टेंबर रोजी गोपणीय बातमी व तांत्रीक तपासावरून नागपुर येथून नोमान अखलाक अहमद (वय २० वर्ष, रा. भालदार पुरा, गांधीबाग जवळ, नागपुर) आणि शेख अमजत शेख आजम (वय १९ वर्ष , रा. हमजा प्लॉट वाशिम बायपास अकोला ह. मु. गांधीबाग जवळ, नागपुर) यांना ताब्यात घेण्यात आले. दोघांची कसून चौकशी केली असता त्यांनी रामदासेठ हद्दीतील चोरी केलेला एक टाटा एस क्र. (एम. एच. ३० ए.बी. १७५९), २) स्प्लेंडर क्र. (एम. एच. ३० बी. ३६९४) ३) एच.एफ. डीलक्स क्र. (एम. एच. ३० बी. जे. ८६६३) असा एकुण ५ लाखांचा मुद्देमाल जप्त करून पुढील कारवाई कामी दोघं संशयित आरोपींना पो.स्टे. रामदासपेठ येथे देण्यात आले.
सदरची कार्यवाही पोलीस अधिक्षक संदीप घुगे, अपर पोलीस अधिक्षक अभय डोंगरे यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक शंकर शेळके, पो.उप.नि.गोपाल जाधव, ए. एस. आय. दशरत बोरकर, पोहेकॉ फिरोज खान, उमेश पराये, गोकुळ चव्हाण, प्रमोद डोईफोडे, भास्कर धोत्रे, ना. पो. कॉ. खुशाल नेमाडे, पो.कॉ आकाश मानकर, पो. कॉ. धिरज वानखडे, मोहम्मद आमीर, अभिषेक पाठक, अन्सार अहेमद, लिलाधर खंडारे, स्वप्नील खेडकर, स्वप्निल चौधरी, सायबर पोका आशीष आमले, पो. कॉ. चालक प्रशांत लोखंडे यांनी केली.
