जळगाव (प्रतिनिधी) भोलाणे येथील एका आठ वर्षीय मुलाने शेजार्यांच्या घरावर शेण फेकून मारल्यावरुन शेजार्यांमध्ये वाद होवुन कुर्हाड हल्ला झाल्याची घटना घडली. यात मुलाच्या आजोबावर शेजार्यांनी कुराडीने वार करुन जखमी केले. याप्रकरणी तालुका पोलिसांत गुन्ह्याची नोंद करण्यात आली आहे.
यासंदर्भात अधिक असे की, जखमी आत्माराम बुधा कोळी (वय ६६) यांच्या जबाबात नमुद केल्या प्रमाणे, त्याचा आठ वर्षीय नातू याने खेळतांना शेजारी विनोद कोळी यांच्या घरावर शेण फेकून मारल्याने वादाला सुरुवात झाली. समजुत घालत असतांना भांडणाला सुरुवात होवून शेजारी विनोद प्रल्हाद कोळी, दिपाली विनोद कोळी, मिराबाई प्रल्हाद कोळी, पुंडलीक भावलाल कोळी अशांनी भांडणात आत्माराम कोळी यांना बेदम मारहाण केली. तर विनोद कोळी याने कुर्हाडीने हल्ला चढवून आत्माराम कोळी यांच्या डाव्या पायावर, मांडीवर आणि उजव्या पंज्यावर कुर्हाडीने वार करुन जखमी केले. याप्रकरणी तालूका ठाण्यात गुन्ह्याची नोंद करण्यात आली आहे. पुढील तपास तुळशीराम केाळी करत आहेत.
