यावल (प्रतिनिधी) अनैतिक संबंधातून जन्मलेल्या अर्भकाला गटारीत फेकून देणाऱ्या अज्ञात मातेविरुद्ध यावल पोलिस स्टेशनला गुन्हा दाखल करण्यात आला आहे.
यावल तालुक्यातील सावखेडा सिम या गावी निसार तडवी यांच्या घरासमोरील गटारीत सुमारे तिन ते चार महिन्याचे अर्भक आढळून आले होते. दरम्यान, अनैतिक संबंधातून वाढीस लागलेल्या अर्भकाचा गर्भपात करून हे अर्भक गटारीत फेकल्याचा संशय आहे. या प्रकरणी पोलिस पाटील पंकज जीवन बडगुजर यांनी दिलेल्या फिर्यादीनुसार यावल पोलिस स्टेशनला गुन्हा दाखल करण्यात आला असून पुढील तपास पोलिस नाईक वसिम तडवी हे करत आहेत.
