बीड (वृत्तसंस्था) बीड (Beed) जिल्ह्यातील धारूर (Dharur) शहरात एका अल्पवयीन मुलीवर दोन जणांनी बलात्कार (2 men raped minor girl) केल्याची धक्कादायक घटना उघडकीस आली आहे. आरोपी तरुण हा फोटोग्राफर असून त्याने पीडितेला फोटो देण्याच्या बहाण्याने स्टुडिओमध्ये बोलावून तिच्यावर जबरदस्तीने अत्याचार केला आहे. याच प्रकरणी आता धारुर पोलिसात दोन आरोपींविरुध्द गुन्हा नोंद करण्यात आला आहे.
पिडितेने दिलेल्या फिर्यादीत नोंदवलेल्या जबाबानुसार नृसिंह फोटो स्टुडिओ येथे पासपोर्ट फोटो काढण्यासाठी गेली असता यातील आरोपी याने पासपोर्ट फोटो काढून त्यादिवशी न देता फिर्यादीला दुसर्यादिवशी स्टुडिओमध्ये बोलावलं. त्यानंतर तिच्यावर जबरदस्तीने शारीरिक संबंध प्रस्थापित केले. तसेच सदर गोष्ट कोणास सांगितली तर मी तुझ्या भावाला जीवे मारुन टाकेल अशी धमकी देखील आरोपीने दिली. तर नृसिंह फोटो स्टुडिओमधील फोटो काढणाऱ्या पहिल्या आरोपीने आपल्या एका मित्राला या घटनेबाबत सांगितलं होतं. त्यामुळे त्याने देखील अल्पवयीन मुलीवर बलात्कार केला. पहिला आरोपी हा फोटो काढण्याच्या कामानिमित्त बाहेर गेलेला असताना दुसऱ्याने तरुणीसोबत शारीरिक संबंध ठेवले. तसेच ही गोष्ट कोणालाही न सांगण्याची धमकी त्याने देखील मुलीला दिली.
अखेर या सगळ्या प्रकाराला वैतागून अखेर पीडित मुलीने पोलिसात धाव घेतली. ज्यानंतर धारूर पोलीस स्टेशनमध्ये संबंधित अत्याचारग्रस्त मुलीच्या तक्रारी वरून आरोपी मधूर बाळासाहेब फरतडे व सहदेव चाळक या दोघांविरोधात गुन्हा दाखल करण्यात आला. कलम 376, 504 भादंवि व कलम 4, 5 पोस्को ॲक्ट अन्वये गुन्हा दाखल करण्यात आला. सध्या या गुन्ह्याचा तपास सहाय्यक पोलीस निरिक्षक व्ही. एस आटोळे करीत आहेत. मात्र, अशाप्रकारे आपल्याच फोटो स्टुडिओमध्ये बोलावून अल्पवयीन मुलीवर अत्याचार केल्याच्या घटनेने संपूर्ण बीडमध्ये एकच खळबळ माजली आहे.
