जळगाव (प्रतिनिधी) जळगाव शहरातील टॉवर चौकात दुचाकीला भरधाव ट्रकने दिलेल्या धडकेत पत्नीचा जागीच मृत्यू झाला तर पती हे गंभीर जखमी झाल्याची घटना शुक्रवारी २० डिसेंबर रोजी सकाळी १०.१५ वाजता घडली आहे. याप्रकारे जळगाव शहर पोलीस ठाण्यात अकस्मात मृत्यूची नोंद करण्यात आलेली आहे. वंदना अशोक गोराडे (वय-४९, रा. राणीचे बांबरुड ता. पाचोरा) असे मयत झालेल्या महिलेचे नाव असून त्यांचे पती अशोक सुखदेव गोराडे (वय-६०) हे गंभीर जखमी झाले आहे.
पाचोरा तालुक्यातील राणीचे बांबरुड येथे अशोक सुखदेव गोराडे हे आपल्या पत्नी वंदना गोराडे यांच्यासह वास्तव्याला आहेत. दरम्यान त्यांच्या चालकाच्या मुलाचे साखरपुडा चा कार्यक्रम असल्या कारणामुळे ते पत्नी वंदना गोराडे यांच्यासोबत शुक्रवारी २० डिसेंबर रोजी सकाळी १०.१५ वाजेच्या सुमारास दुचाकी क्रमांक (एमएच १९ डीजे ४७९६) मी जळगाव आतील टॉवर चौकाकडून शिवाजीनगर उड्डाण पुलावरून जात होते, त्यावेळी भरदा वेगाने येणारा ट्रक क्रमांक (एमएच २१ एबी ७४६६) ने जोरदार धडक दिली. वंदनाबाई गोराडे या चाकाखाली आल्याने
त्यांचा जागेस मृत्यू झाला. या घटनेची माहिती मिळाल्यानंतर शहर पोलीस ठाण्याचे पोलीस कर्मचारी यांनी घटनांसाठी धाव घेऊन मृतदेहाचा पंचनामा करून जिल्हा शासकीय वैद्यकीय महाविद्यालयात दाखल करण्यात आला तर जखमी अशोक गोराडे यांना उपचारासाठी दाखल करण्यात आले आहे. दरम्यान मयताच्या पश्चात एक मुलगा अविनाश, दोन विवाहित मुली असा परिवार आहे.
