मुंबई (वृत्तसंस्था) आर्यन खान प्रकरणाच्या चौकशीदरम्यान अनन्या पांडे हिने धक्कादायक खुलासा केला आहे. आर्यन खानला गांजा दिल्याची कबुली अनन्यानं एनसीबीच्या चौकशीदरम्यान दिली आहे. आर्यन खानसोबत झालेल्या चॅटिंगवरुन एनसीबी अनन्याची चौकशी करत आहे. शुक्रवारी चौकशीदरम्यान अनन्यानं आर्यनला एक ते दोन वेळा गांजा दिल्याची कबुली दिली आहे.
शुक्रवारी एनसीबीनं अनन्याची चार तास कसून चौकशी केली. आर्यनच्या मोबाईलमध्ये ड्रग्जसंदर्भातले अनन्यासोबत केलेले चॅट सापडले. एनसीबीनं गुरुवारी अनन्याच्या घरी जाऊनही तपासणी केली. तिचा मोबाईल आणि लॅपटॉपही ताब्यात घेतला. शुक्रवारी चौकशीदरम्यान अनन्यानं आर्यनला एक ते दोन वेळा गांजा दिल्याचं एनसीबीला सांगितलं आहे. मात्र आपण कोणत्याच ड्रग्ज सप्लायरच्या संपर्कात नसल्याचंही तिनं म्हटलं आहे.
अनन्या गुरुवारी दुपारी चारच्या सुमारास वडील चंकी पांडे यांच्यासोबत चौकशीला हजर झाली. यावेळी एनसीबीनं सुमारे अडीच तास तिची चौकशी केली. पुन्हा शुक्रवारी सकाळी चौकशीला हजर राहण्यास सांगितलं होतं. एनसीबीचे मुंबई विभागाचे संचालक समीर वानखेडे, व्ही. व्ही. सिंग आणि एक महिला अधिकाऱ्याच्या उपस्थितीत अनन्याची चौकशी करण्यात आली.
