जळगाव (प्रतिनिधी) एलसीबीच्या पथकाने एका अट्टल दुचाकी चोरट्याला अटक केली आहे. गोपाल भगवान कोळी असे या दुचाकी चोरट्याचे नाव आहे.
सन २०१६ मध्ये एमआयडीसी पोलीस स्टेशनच्या गुन्हयात मोटार सायकल चोरीच्या गुन्ह्यातील मोटार सायकल गोपाल भगवान कोळी याने चोरी केली असुन सध्या तिचा वापर करीत आहे. त्यानुसार श्री. बकाले यांनी स्थानिक गुन्हे शाखेतील पो.हे.कॉ.विजयसिंग पाटील, जितेंद्र पाटील, नितीन बाविस्कर, राहुल पाटील, प्रीतम पाटील यांना रवाना केले होते. या पथकाने गोपाळ भगवान कोळी (वय ३५, रा. जोशीवाडा, मेहरुण जळगाव) याचा शहरात शोध घेतला असता तो मिळुन आला नाही. सदर संशयित हा किनोद गावाला गेले असल्याची माहिती पथकास मिळाल्याने त्याचा किनोद ता.जळगाव येथे जावुन शोध घेतला असता तो मिळुन आला. एलसीबीच्या पथकाला त्याच्या ताब्यातील एमआयडीसी पोलीस स्टेशन भाग-५ गुरन. १८८/२०१६ भादवि.क.३७९ मध्ये चोरीस गेलेली हिरो मॅस्ट्रो कंपनीची गाडी मिळून आली. त्यानुसार गाडीसह आरोपीला ताब्यात घेवुन एमआयडीसी पोलीस स्टेशन भाग-५ गुरन. १८८/२०१६ भादवि.क. ३७९ चे तपास कामी एमआयडीसी पोलीस स्टेशनचे ताब्यात देण्यात आलेले आहे. दरम्यान, पोलीस अधीक्षक डॉ.प्रविण मुंढे, अपर पोलीस अधीक्षक चंद्रकांत गवळी जळगाव यांनी स्थानिक गुन्हे शाखेस मोटार सायकल चोरीचे गुन्हे उघडकीस आणणे कामी पथके स्थापन करणे बाबत सुचना वा मार्गदर्शन केले होते.
