बीड (वृत्तसंस्था) पोलीस मुख्यालयावर झेंडावंदनस्थळी पालकमंत्री धनंजय मुंडे (Dhananjay Munde) यांच्यामोरच एका व्यक्तीने आत्मदहन करण्याचा प्रयत्न केल्यामुळे प्रचंड खळबळ उडाली आहे. रस्त्याविषयी तक्रार देऊनही कारवाई होत नसल्याचा विनोद शेळके, असं आत्मदहन करण्याचा प्रयत्न करणाऱ्या व्यक्तीचा आरोप आहे.
पालकमंत्री धनंजय मुंडे यांच्यासमोर आत्मदहनाचा प्रयत्न झाल्याने एकच गोंधळ उडाला होता. पालकमंत्री धनंजय मुंडे यांनी याप्रकरणी चौकशीचे आदेश दिले आहेत. दरम्यान, बीडमधील पंचशीलनगरच्या अलीकडे झालेले रस्त्याचे काम दर्जाहीन असल्याचा आरोप शेळके यांनी केला आहे. तक्रार करूनही कारवाई झाली नाही. यामुळे त्यांनी प्रजासत्ताक दिनी पोलीस मुख्यालयी ध्वजारोहण समारंभ प्रसंगी अंगावर डिझेल ओतून घेतले. यानंतर पोलीस तत्काळ त्यांच्या दिशेने धावले आणि त्यांनी त्याला रोखले यामुळे पुढील अनर्थ टळला.
