पारोळा (प्रतिनिधी) वारसा हक्काची मिळकत हडप करण्याचे हेतुने बेकायदेशीररित्या शासनाची व एका ६० वर्षीय व्यक्तीची फसवणूक झाल्याची घटना समोर आली आहे. याप्रकरणी पारोळा पोलीस स्थानकात चौघांविरुद्ध गुन्हा दाखल करण्यात आला आहे.
यासंदर्भात सुनील ब्रिजलाल पवार (वय ६० रा. शिवाजी नगर ता. सिन्नर जि. नाशिक) यांनी दिलेल्या फिर्यादीनुसार, सुनील यांचे आजोबा हे दिनांक १० सप्टेंबर १९६७ रोजी मयत झाले आहे. हे माहित असतांना देखील त्यांच्या नावे असलेली नेरपाट शिवारातील शेत गट न. ६३ मधील क्षेत्र १ हेक्टर ८६ आर हे मिळकत घेणार दत्तु दगडु पाटील (रा. रत्नापिंप्री ता.पारोळा) तसेच साक्षिदार प्रदिप सुभाष पाटील व वसंत मुरलीधर पाटील (दोन्ही रा. रत्नापिंप्री ता. पारोळा) यांनी संगनमत केले. तसेच लिहुन देणार रामदाससा किसनसा छत्रीय /पवार या नावाचा बनावट इसम /व्यक्ती यांचे आधार कार्ड, खरेदी खत बोगस व बनावट तयार करुन दिनांक १८ सप्टेंबर २०१९ रोजी स्वत:च्या फायद्यासाठी वारसा हक्काची मिळकत हडप करण्याच्या हेतूने बेकायदेशीररित्या शासनाची व सुनील पवार यांची फसवणूक करून विश्वासघात केला. याप्रकरणी पुढील तपास पोकॉ सुनिल वानखेडे हे करीत आहेत.
