चोपडा (प्रतिनिधी) भारत राष्ट्र समितीचे राष्ट्रीय अध्यक्ष व तेलंगणाचे मुख्यमंत्री के. चंद्रशेखर राव यांच्या प्रेरणेने तालुक्यातील आदिवासी कोळी समाजाचे नेते जगन्नाथ बाविस्कर (गोरगावले बुद्रुक) यांच्या वाढदिवसानिमित्त तेलंगणा राज्याचे अन्नपुरवठा मंत्री ना. रविंदरसिंग यांची चोपड्यात दमदार एन्ट्री झाली. चोपडा येथील न.प. नाट्यगृहात हा कार्यक्रम संपन्न झाला. स. १० वाजेपासून सुमारे ४६० रुग्णांची तपासणी करण्यात येऊन त्यापैकी ७० नेत्ररुग्णांची मोतिबिंदू शस्त्रक्रियेसाठी निवड करण्यात आली. नेत्रतपासणी डॉ. प्रकाश कोळी व त्यांचे सहकारी यांनी केली. यासाठी नंदुरबार येथील कांतालक्ष्मी नेत्र रुग्णालयाचे सहकार्य लाभत आहे. त्याचदिवशी श्री शिवाजी महाराज चौकात भारत राष्ट्र समिती (बीआरएस) ची शेकडों सदस्याची नोंदणी करण्यात येऊन नाट्यगृहात पक्षमेळावाही घेण्यात आला.
दीपप्रज्वलन बीआरएसचे वरिष्ठ नेते माजी आमदार शंकरअण्णा धोंडगेपाटील तर प्रतिमा पूजन उत्तर महाराष्ट्र विभाग प्रमुख नानासाहेब बच्छाव यांच्या शुभहस्ते करण्यात आले. यावेळी उपस्थित मान्यवरांचा शाल श्रीफळ फुलहार बुके देऊन यथोचित स्वागत व सत्कार करण्यात आला. स्वागतगीत जय गुरुदेव संगतचे प्रार्थनागायक खंडू महाराज (कोळंबा) यांनी सादर केले. प्रास्ताविक जगन्नाथ बाविस्कर यांनी केले. यावेळी श्री.बाविस्कर यांचा एक्कावन्न किलोचा भला मोठा फुलहार देऊन केक कापून टाळ्यांच्या गजरात वाढदिवस साजरा करण्यात आला. मान्यवरांनी आपल्या मनोगतात तेलंगणा राज्यातील विकास योजनांची माहिती दिली. व जगन्नाथ बाविस्कर यांना पुढील वाटचालीस शुभेच्छा देण्यात आल्यात.
याप्रसंगी बीआरएसच्या जळगाव जिल्हा महिला समन्वयक कोमल पाटिल, धुळे नंदुरबार जिल्हा समन्वयक एडवोकेट अविनाश पाटील, जळगाव जिल्हा समन्वयक देवेंद्र वराडे, धुळे उपजिल्हा समन्वयक विठ्ठल पाटील, शिरपूरचे ओंकारराव जाधव, आदिवासी कोळी समाजाचे नेते नामदेवराव येळवे, मोतीलाल सोनवणे यांचेसह तालुका, जिल्हा व बाहेरील पदाधिकाऱ्यांसह शेकडों कार्यकर्त्यांची उपस्थिती होती. कार्यक्रम यशस्वीतेसाठी चोपडा बीआरएसचे तालुका पदाधिकारी समाधान बाविस्कर, दीपक पाटील, कोमल पाटील, मनोज पाटिल, अनिल कोळी, वर्षा चौधरी, पमाताई पानपाटील, आशाबाई सोनार, शीला पाटील, दिनकरराव सपकाळे, प्रविण कोळी ठाणेकर, आबा सोनवणे, मनिष साळुंखे, भाऊसाहेब बाविस्कर, वैभवराज बाविस्कर, विशालराज बाविस्कर यांनी विशेष प्रयत्न केलेत. सूत्रसंचलन व आभार प्रदर्शन सागरकुमार कोळी (अमळनेर) यांनी केले.
