जालना (वृत्तसंस्था) देऊळगावराजा येथील एका लग्नात मोठ्या आनंदात नाविवाहित झोडपे सहभागी झाले. दुसऱ्या दिवशी लग्न आटोपून घरी जात असतांना मात्र, काळाने घात केला. भरधाव येणाऱ्या ट्रेलरने दुचाकीला धडक दिल्याने साडेपाच महिन्यांपूर्वीच लग्न झालेली नवविवाहिता ठार तर तिच्या पतीसह अन्य एक जण जखमी झाल्याची घटना घडली. आश्विनी अनिकेत कादगे (वय २२, रुईधानोरा, ता. गेवराई) असे मृत नवविवाहितेचे, तर अनिकेत हनुमंत कादगे (वय २८, रुईधानोरा ), प्रमोद नामदेव घाटे अशी जखमींची नावे आहेत.
देऊळगावराजा येथील १ जून रोजीच लग्न आटोपून २ जून रोजी सकाळी दुचाकीने पती- पत्नी व मावस दीर घरी रुईधानोरा येथे जात होते. धुळे-सोलापूर महामार्गावरील वडीगोद्री ਟੀ पॉइंटजवळील उड्डाणपुलाजवळ २ जून रोजी दुपारी १ वाजेच्या सुमारास छत्रपती संभाजीनगरकडून बीडकडे जाणाऱ्या ट्रेलर (जीजे ३६ एक्स ३३३३) याने दुचाकीला धडक दिली. या धडकेत पत्नी ठार तर पती व मावस दीर हे दोघे जखमी झाले. या अपघाताची माहिती मिळताच घटनास्थळी वडीगोद्री येथील गावाकऱ्यांनी धाव घेत मदत केली. धडक देऊन पळून जाणाऱ्या ट्रकला पकडून चालकाला पोलिसाच्या ताब्यात दिले. वडीगोद्री प्राथमिक आरोग्य केंद्र येथे मृत अश्विनी कादगे यांचे शवविच्छेदन केले. आश्विनीचे साडेपाच महिन्यापूर्वी लग्न झाले होते. नवविवाहीतेचा असे दुर्दैवी अपघाती निधन झाल्याने रुई धानोरा येथील कादगे कुटुंबावर व नातेवाईकांवर दुःखाचे डोंगर कोसळला आहे.
