धरणगाव (प्रतिनिधी) उसनवारी दिलेले पैसे परत मागीतल्याचा रागातून येथील धनगर गल्लीत राहणाऱ्या महिलेसह तिच्या कुटुंबियांना मारहाण करून महिलेच्या पतीला जीवे मारण्याची धमकी दिल्याप्रकणी धरणगाव पोलीस ठाण्यात तिघांविरुद्ध गुन्हा दाखल करण्यात आला आहे.
१. गुलाब किसन धनगर, २. छोटू किसन धनगर, ३. विकास किसन धनगर असे आरोपींची नावे आहेत.
माधुरी दीपक धनगर हिने दिलेल्या तक्रारीत म्हंटले आहे की, माझे पतीने छोटू किसन धनगर यांना २ लाख रुपये ढोरांचा व्यापार करण्यासाठी सुमारे १ वर्षांपूर्वी दिले होते. सदरचे पैसे माझे पती तीन-चार दिवसांपासून त्यांच्याकडून शेतीच्या कामासाठी मागत होते. हे माधुरी हिला माहित होते. दि. २१ जून २०२१ रोजी सकाळी ८.३० वाजेच्या सुमारास मी आणि माझी देरानी वर्षा असे घरी असताना १. गुलाब किसन धनगर, २. छोटू किसन धनगर, ३. विकास किसन धनगर असे तिघेही हातात तलवार, काठ्या घेऊन घरात आले. तेव्हा त्यांना मी सांगितले की, माझे पती, सासरे, व दिर हे शेतात गेलेले आहेत. घरात कुणीही नाही तरी देखील तिघांनी जबरदस्ती घरात घुसून घरातील सामानाची नासधुस केली. तसेच गुलाब किसन धनगर याने माझी गचांडी पकडून गळ्यातील १५ ग्रम वजनाची सोनण्याची पोत ओढून घेतली. तसेच कपाटात ठेवलेले रोख रक्कम २ लाख ३० हजार रुपये काढून घेतले व छोटू किसन धनगर, विकास धनगर यांनी अंगणात उभी असलेली बुलेटची तोड-फोड करून नुकसान केले. व मला चापटा-बुक्यांनी मारहाण करुन तुझा पती माझ्याकडे पैसे मागतो ते मी देणार नाही, तुमच्याने जे होईल ते करून घ्या. आता तर आम्ही परत जात आहेत. पुन्हा जर तुझ्या पतीने पैसे मांगीतले तर त्याला बोकडया सारखे कापुन टाकू व जिवंत ठेवणार नाही, अशी धमकी देवून घरातुन निघून गेले. तेव्हा गल्लीतील किशोर दौलत कंखरे, अनिल दौलत कंखरे यांनी त्यांना समजवुन घरातुन काढले व माझे सासरे हे इंदिरा कन्या शाळेकडुन बकऱ्या चारण्यासाठी जात असतांना त्यांना पण वरील तीन्ही लोकांनी मारहाण केली. तसेच माझ्या पती यांना देखील मारहाण केली,असे फिर्यादीत म्हटले आहे.
याप्रकरणी माधुरी धनगर हिने दिलेल्या फिर्यादीवरून धरणगाव पोलीस ठाण्यात तिघांविरुद्ध गुन्हा दाखल करण्यात आला आहे. याप्रकरणी पुढील तपास हेड कॉन्स्टेबल योगेश प्रभाकर जोशी हे करीत आहेत.
