चोपडा (प्रतिनिधी) गेल्या दहा ते बारा दिवसांपूर्वी शहरातील साने गुरुजी परिसरातील आकाश नामक तरुणाला जुन्यावादातून आज दुपारी दीड ते दोन वाजेच्या सुमारास काही तरुणांनी हल्ला चढवला. त्यात आकाश हा जबर जखमी झाला. या घटनेचे वृत्त शहरात वाऱ्यासारखे पसरल्यानंतर तणाव निर्माण झाला होता. परंतू पोलिसांनी तात्काळ परिस्थिती नियंत्रणात आणली.
तरुणाला मारहाण झाल्यानंतर शहरातील सर्व लहान मोठे व्यवसायिकांनी भीतीने दुकानांचे शटर बंद केली. अगदी शाळांमधील मुलांना पालकांनी घरी घेऊन जाण्यासाठी गर्दी केली. परंतु पोलिसांना घटना माहिती झाल्याबरोबर घटनास्थळी डीवायएसपी कृषीकेश रावळे, चोपडा शहर पोलीस स्टेशनचे पोलीस निरीक्षक के. के. पाटील, सहाय्यक पोलीस निरीक्षक संतोष चव्हाण, अजित साबळे यांनी घटनास्थळी पोलीस कुमक घेऊन परिस्थिती नियंत्रणात आणली.
दंगल सदृश परिस्थिती नसताना मात्र, दंगल झाली अशी अफवा वाऱ्यासारखी पसरल्याने क्षणार्धात चोपडा शहरात तणावपूर्ण वातावरण निर्माण झाले होते. त्यामुळं मुख्य बाजारपेठ रस्त्यावरील सर्वच दुकानांची शटर बंद झाल्याने शुकशकाट दिसून येत होता. एक ते दीड तासाने दुकाने व्यवसायिकांनी पुन्हा सुरू करण्याचा प्रयत्न केला. काही दुकाने सुरूही झाली होती. परंतू चार वाजेनंतर पुन्हा छोटे-मोठे व्यवसायिकांनी दुकाने बंद केली.
वृत्त प्रसिद्ध करेपर्यंत चोपडा शहरात तणावपूर्ण वातावरण शांतता होती. वैयक्तिक कारणावरून झालेल्या वादामध्ये कोण कोण समाविष्ट आहे याबाबत पोलीस कसून चौकशी करीत आहेत. मात्र असे असले तरी बस स्टँड आणि गजबजलेल्या छत्रपती शिवाजी महाराज चौक भागात जनजीवन पूर्ववत सुरू असल्याचे दिसून आले. दरम्यान, पोलिसांनी परिस्थिती आणली नियंत्रणात असून उपद्रवी मात्र, पोलिसांच्या रडारवर आले आहेत.
