जळगाव (प्रतिनिधी) केंद्रातील भाजपा (NDA) नरेंद्र मोदी सरकारला दि. ३० मे २०२१ रोजी सात वर्ष पूर्ण होत असून पक्षाच्यावतीने या वर्षी कुठल्या प्रकारे जाहिरात होर्डिंग व आनंद उत्सव साजरा न करता कोरोना महामारीमुळे सर्वसामान्य नागरिकाची सेवकार्यच्या माध्यमातून सेवा सप्ताहची सुरुवात आज भाजपा जिल्हा व महानगराच्यावतीने शहरातील १०० मुकबधीर व दिव्यांग बांधवाना जीवनावश्यक वस्तू (किराणा कीट) वाटप करून करण्यात आली.
सकाळी ९ वाजता वसंत स्मृती भाजपा कार्यालय बळीराम पेठ येथे मंत्री आ. गिरीश महाजन यांच्या हस्ते किराणा किट देण्यात आले. याप्रसंगी आ. गिरीश महाजन यांनी सांगितले की, भारतीय जनता पार्टी हा सेवाकार्य करणारा पक्ष असून देशाचे प्रधानमंत्री नरेंद्र मोदी हे गेल्या सात वर्षापासून सेवा परमधर्म या भावनेतून काम करीत आले असूनच पक्षाच्या व मोदीजीचे आदर्श घेऊन आज पासून संपूर्ण सप्ताह भर भाजपा महानगरतर्फे सेवाकार्य करण्यात येणार आहे. यामध्ये रक्तदान, कोरोना चाचणी, शिबिर, फंगर आजाराविषयी मार्गदर्शन व चर्चा सत्र, आरोग्य तपासणी, कोरोना योद्धाचा सन्मान असे सेवाकार्य करून हा सप्ताह साजरा करण्यात येणार आहे, असे सांगितले.
याप्रसंगी जिल्हाध्यक्ष आ. सुरेश भोळे (राजु मामा), महानगर अध्यक्ष दिपक सूर्यवंशी, प्रदेश उपाध्यक्ष स्मिताताई वाघ, स्थायी सभापती राजेंद्र घुगे पाटील, गटनेते भगत भाई बालाणी, प्रदेश महिला उपाध्यक्षा उज्वलाताई बेंडाळे, जिल्हा सरचिटणीस विशाल त्रिपाठी, डॉ. राधेश्याम चौधरी, महेश जोशी, नितीन इंगळे विधानसभा क्षेत्र प्रमुख दिपक साखरे, जिल्हा पदाधिकारी सुशील हासवाणी, अमित भाटीया, राजू मराठे, मनोज भांडारकर, प्रकाश पंडित, धीरज वर्मा, गणेश माळी, नगरसेवक कैलास आप्पा सोनवणे, अँड. सुचीताताई हाडा, दिपमाला काळे, दिपक पाटील, मनोज काळे, आघाडीचे अध्यक्ष डॉ. धमेंद्र पाटील, डॉ. नरेंद्र ठाकूर, गणेश वाणी, लता बाविस्कर, हेमंत जीशी, प्रमोद वाणी,अरुण श्रीखंडे, युवा मोर्चा अध्यक्ष आनंद सपकाळे तसेच शोभाबाई कुळकर्णी, अनिल जोशी, अमित साळुंखे, गौरव पाटील, रोहित सोनवणे, शालूताई जाधव आदी कार्यकर्ते उपस्थित होते. या कार्यक्रमासाठी जिल्हा मुकबधीर संघटनेचे विजय विसपुते, तौशिक शेख व भाजपा दिव्यागं आघाडी अध्यक्ष गणेश वाणी यांचे सहकार्य लाभले.
