मुंबई (वृत्तसंस्था) भोसरी येथील वादग्रस्त भूखंड प्रकरणी आज ईडीने आरोपपत्र दाखल केले आहेत. या आरोपपत्रात माजी मंत्री एकनाथराव खडसे यांच्यासह त्यांचे जावई गिरीश चौधरी आणि सौभाग्यवती मंदाताई खडसे यांच्या नावाचा समावेश आहे. दुसरीकडे आजच गिरीश चौधरी यांचा जामीन अर्ज फेटाळण्यात आला आहे.
भोसरी येथील वादग्रस्त भूखंड प्रकरणी माजी मंत्री एकनाथराव खडसे हे अडचणीत आलेले आहेत. या प्रकरणी ईडीने आधी त्यांची चौकशी केली होती. यानंतर ५ जुलैपासून त्यांचे जावई गिरीश दयाराम चौधरी हे अटकेत आहेत. त्याचबरोबर त्यांच्या सौभाग्यवतील मंदाताई खडसे यांना देखील समन्स बजावण्यात आलेले आहे. तर गिरीश चौधरी यांचा जामीन अर्ज आज पुन्हा एकदा फेटाळण्यात आलेला आहे. तर आजच ईडीने या प्रकरणी आरोपत्र दाखल केले आहे. ईडीने दाखल केलेल्या आरोपपत्रात माजी मंत्री एकनाथराव खडसे, त्यांचे जावई गिरीश दयाराम चौधरी आणि मंदाकिनी एकनाथ खडसे यांच्या नावांचा समावेश आहे. यातील चौधरी अटकेत असून मंदाताई अद्यापही ईडीसमोर चौकशीसाठी हजर झालेल्या नाहीत. दरम्यान, पुढील काही दिवसात ईडी आणखी काही कठोर कारवाई करते का?, याकडे सर्वांचे लक्ष लागून आहे.
