जळगाव (प्रतिनिधी) बीएचआर घोटाळा प्रकरणी पुणे आर्थिक गुन्हे शाखेच्या पथकाने मंगळवारी पुणे न्यायालयात पाच संशयितांविरुद्ध २५०० पानांचे दोषारोपपत्र दाखल केले. यात ६१ कोटी ९० लाख ८८ हजार १६३ रुपयांची फसवणूक, अपहार केल्याचा ठपका ठेवण्यात आला आहे. दरम्यान, पुण्यातील डेक्कन पोलीस ठाण्यात दाखल असलेल्या गुन्ह्याचे हे दोषारोपपत्र आहे.
बीएचआर पतसंस्थेत अवसायकाच्या काळात झालेल्या गैरव्यवहार प्रकरणी पुण्यातील डेक्कन, आळंदी व शिक्रापुर या तीन पोलीस ठाण्यांत गुन्हे दाखल आहेत. यातील डेक्कन पोलीस ठाण्यात रंजना घोरपडे यांनी दिलेल्या फिर्यादीवरुन दाखल गुन्ह्यात पोलिसांनी ८९ व्या दिवशी तपास पूर्ण करून अतिरीक्त सत्र न्यायाधीश एस. एस. गोसावी यांच्या न्यायालयात दोषारोपपत्र सादर केले. यात सीए महावीर जैन, विवेक ठाकरे, धरम सांखला, कमलाकर कोळी व सुजित वाणी या पाच जणांविरुद्ध दोषारोप सादर ठेवण्यात आले आहेत. यातील कमलाकर कोळी हा जामिनावर मुक्त आहे तर इतर चारही जण सध्या पुण्याच्या येरवडा कारागृहात न्यायालयीन कोठडीत आहेत. उर्वरित गुन्ह्याचे पुरवणी दोषारोप पुढील तारखेस न्यायालयासमोर ठेवले जातील. त्यावर दोन्ही पक्षांच्या युक्तिवादानंतर खटल्याची सुनावणी सुरू होईल. या प्रकरणात सुनील झंवर याचा शोध पोलीस घेत असून त्याचा अटकेतील मुलगा सूरज झंवर याचे नाव दोषारोपपत्रात समाविष्ट करण्यात आलेले नाही.
सुमारे १२०० कोटी रुपयांच्या या घोटाळ्यात पुण्यातील डेक्कन, आळंदी व शिक्रापूर या तीन पोलिस ठाण्यात गुन्हे दाखल आहेत. डेक्कन पोलिस ठाण्यात रंजना घोरपडे यांनी दिलेल्या फिर्यादीवरून पोलिसांनी तपास पूर्ण करून अतिरिक्त सत्र न्यायाधीश एस. एस. गोसावी यांच्या न्यायालयात दोषारोप सादर केले. सरकारी वकील प्रवीण चव्हाण, गुन्हे शाखेच्या उपायुक्त भाग्यश्री नवटके, पोलिस निरीक्षक सचिता खोकले, त्रयस्थ अर्जदार अँड. अक्षता नायक उपस्थित होते.
महावीर जैन : जैन याला बीएचआर पतसंस्थेचे फरिन्सिक ऑडिट करण्यासाठी ऑडिटर म्हणून २ नेमले होते. त्याने आर्थिक घोटाळा उघडकीस आणणे अपेक्षित होते. असे असताना त्याने खोटे कागदपत्र खरे असल्याचे भासवून ठरावीक लोकांचा फायदा करून
कमलाकर कोळी : हा तत्कालीन अवसायक जितेंद्र कंडारे याचा वाहनचालक होता. त्याने मुख्य संशयित झंवर, कंडारे यांना पळून जाण्यास मदत केली आहे.
धरम सांखला व सुजीत वाणी : दोघे जण पतसंस्थेचे कर्मचारी होती. त्यांच्याकडे अकाउंट हण्डल करण्याची जबाबदारी होती. असे असताना त्यांनी ठेवीदारांची दिशाभूल करून त्यांच्यात भीती पसरवली. खोटे कागदपत्र खरे असल्याचे भासवून ठेवीदारांचे नुकसान तर कर्जदारांचा फायदा करून दिला.
धरम सांखला व सुजीत वाणी : दोघे जण पतसंस्थेचे कर्मचारी होती. त्यांच्याकडे अकाउंट हँण्डल करण्याची जबाबदारी होती. असे असताना त्यांनी ठेवीदारांची दिशाभूल करून त्यांच्यात भीती पसरवली. खोटे कागदपत्र खरे असल्याचे भासवून ठेवीदारांचे नुकसान तर कर्जदारांचा फायदा करून दिला.
विवेक ठाकरे : हा पावती एजंट तसेच बीएचआरचा मोठा थकबाकीदार आहे. ठाकरे याच्यावर बीएचआरचे अडीच ते तीन कोटी रुपयांचे कर्ज आहे. कर्ज फेडलेले नसताना त्याने पावती एजंटचे काम केले. ठेवीदारांमध्ये भीती निर्माण करून पावत्या मॅचिंग करून दिल्या. तसेच जेवढे पैसे मिळताय तेवढे घ्या, असा दम भरुन ठेवीदारांना धमकावले.
पाच मालमत्ता सील
यापूर्वीच आर्थिक गुन्हे शाखेच्या पथकाने बीएचआरच्या पुण्यातील निगडी, घोलेरोड, आंबेगाव व पिंपरी चिचंवड तसेच जळगाव जिल्ह्यातील जामनेर येथील एक अशा पाच मालमत्ता सील केल्या आहेत. या मालमत्तांची किंमत ४८ कोटी ५६ लाख रुपये आहे. संबधित संशयितांनी ही मालमत्ता केवळ ७ कोटी ४५ लाख ४४ हजार रुपयांत विकल्याचा ठपका ठेवण्यात आला आहे.
