जळगाव (प्रतिनिधी) बीएचआर घोटाळ्यातील मुख्य संशयित तथा अवसायक जितेंद्र कंडारे याला पुणे आर्थिक गुन्हे शाखेच्या पथकाने इंदोरमधून अटक केली होती. दरम्यान, कंडारेला आज पुणे न्यायालयात हजर केले असता त्याला १० दिवसांची पोलीस कोठडी सुनावली आहे.
मागील सात महिन्यापूर्वी आर्थिक गुन्हे शाखेच्या पथकाने बीएचआर घोटाळ्यात जळगाव शहरामध्ये धाडसत्र राबविले होते. यावेळी अनेक संशयितांना अटक झाली होती. परंतु मुख्य संशयित असलेला सुनील झंवर आणि अवसायक जितेंद्र खंडारे हा फरार होता. त्यामुळे आर्थिक गुन्हे शाखेच्या पथकाने राज्यासह परराज्यात देखील यांच्या शोधार्थ अनेक पथके पाठवली होती. परंतु दोघेजण पोलिसांना मागील सात महिन्यापासून गुंगारा देण्यात यशस्वी होत होते. परंतु आर्थिक गुन्हे शाखेच्या पथकाने मोठ्या शिताफीने सापळा रचून इंदूरमधून अटक केली होती. कंडारेला न्यायालयात कोर्टात हजर केले असता सरकार पक्षातर्फे ऍड.प्रवीण चव्हाण यांनी जितेंद्र कंडारेला पोलीस कोठडी मिळण्यासाठी जोरदार युक्तिवाद केला. त्यानुसार एड. चव्हाण म्हणाले की संशयित आरोपी कंडारे हा विषयांतर करून बाहेर राज्यात लपून बसला होता गुन्हेगारास सराईत असून या कटातील मुख्य सूत्रधार पैकी एक आहे. त्यामुळे कंडारेला अकरा दिवसांची पोलीस कोठडी मिळावी. आरोपीच्या घरातून सापडलेले साडेनऊ लाख रुपये व दागिन्यांना बाबत देखील माहिती विचारायची आहे, असाही मुद्दा ऍड. चव्हाण यांनी मांडला. त्यावर न्यायालयाने १० दिवसांची पोलीस कोठडी सुनावली आली. कंडारेला आता ९ जुलै रोजी पुन्हा न्यायालयात हजर केले जाणार आहे.
दरम्यान, कंडारेच्या अटकेमुळे बीएचआर घोटाळ्यातील अनेक बाबींचा लवकरच उलगडा होण्याची शक्यता आहे.
विजय वाघमारे (9284058683)
