भुसावळ (प्रतिनिधी) काडतुसासह गावठी कट्टा बाळगणाऱ्या तरुणास स्थानिक गुन्हे शाखेच्या पथकाने भुसावळ शहरानजीक फेकरी परिसरातून अटक केली आहे. सागर बबन हुसळे असे अटक करण्यात आलेल्या तरुणाचे नाव आहे.
फेकरी शिवारातील झेडटीएस परिसरात एक तरुण गावठी कट्ट्यासह येणार असल्याची गोपनीय माहिती स्थानिक गुन्हे शाखेचे वरिष्ठ पोलीस निरीक्षक किसनराव नजनपाटील यांना मिळाली होती. त्यानुसार पो.नि. किसनराव नजनपाटील यांच्या पथकातील सहायक फौजदार रवी नरवाडे, पो.ना. रणजीत जाधव, श्रीकृष्ण देशमुख, चालक प्रमोद ठाकुर आदींनी या कारवाईत सहभाग घेतला. तसेच सागर हुसळे याला शिताफीने अटक करत त्याच्याविरुद्ध भुसावळ तालुका पोलिस स्टेशनला रितसर गुन्हा दाखल करण्यात आला आहे.
